चितवन, मंसिर २४ ।
चितवनमा हुन लागेको नेपथ्य लाइभ कन्सर्टको तयारी पुरा भएको छ । भोलि नारायणगढको क्याम्पाचौरमा हुन लागेको लाइभ कन्सर्टको तयारी पुरा भएको मानव सेवा आश्रमले जानकारी दिएको छ ।
सडक पेटी एवं सार्वजनिक स्थलमा भेटिएका सहयोगापेक्षी सडक आश्रित व्यक्तिहरुलाई सहयोग गर्ने उद्देश्यले मानवताका लागि सांगीतिक यात्रा ‘कन्र्सट’ गर्न लागिएको मानव सेवा आश्रम वाग्मती प्रदेश संयोजक निता केसीले बताउनुभयो । सार्वजनिक स्थलमा भेटिएका सहयोगापेक्षीको उद्धार अभियानलाई थप प्रभावकारी बनाउन मानव सेवा आश्रमले नेपथ्य ब्याण्डसँग सहकार्य गरेर कन्सर्ट गर्न लागिएको हो । कन्सर्टका लागि नेपथ्यको टोलि चितवन आइपुगेको छ । भोलि दिउँसो ४बजेदेखि बजेसम्म सुरु हुने सन्सर्टमा २० वटा गित प्रस्तुत गरिने संस्थाकी महासचिव शुशिला केसीले जानकारी दिनुभयो । अहिले चौविसकोठि र सहिदचोकबाट टिकट बिक्रि भैरहेको छ । अहिलेसम्म ३ हजार भन्दा बढि टिकट बिक्रि भएको उहाँले जानकारी दिनुभयो ।
देशभर एक महिनासम्म सञ्चालन हुने कन्टर्सटको पहिलो कार्यक्रम मंसिर १६ गते विराटनगरबाट सुरु भएको थियो । त्यस्तै विरगंज, हेटौँडा पश्चात चितवनमा गर्न लागिएको उहाँले जानकारी दिनुभयो । नेपथ्य लाइभ कन्सर्टबाट धेरै मानिसहरुलाई आश्रमले गरिरकेका सेवाका बारेमा जानकारी गराउने उद्देश्य समेत रहेको उहाँले बताउनुभयो । यसबाट भएको आम्दानीले मानवता प्रवद्र्धनसँगै मानवसेवा आश्रम चितवन शाखाको अपुरो निर्माण कार्यलाई पूर्णता दिन र अक्षयकोष स्थापनामा सहयोग पुग्ने अपेक्षा लिइएको छ ।
