चितवन, कात्तिक २–
अष्ट्रेलियाका लागि ख्याती प्राप्त एक्सपर्ट एजुकेशन एण्ड भिसा सर्भिसेसले क्यानडा जान चाहने विद्यार्थीहरुका लागि पनि विशेष सेमीनार आयोजना गरेको छ ।
एक्सपर्ट चितवनले भोलि (बिहीबार) आफ्नै भवनमा क्यानडा, युके र अमेरिकाका लागि विशेष सेमीनार आयोजना गर्न लागेको हो । पछिल्लो समय एक्सपर्टबाट क्यानडा अध्ययन गर्न जाने विद्यार्थीहरुको संख्या बढ्दो क्रममा छ । त्यसैले एक्सपर्ट अब अष्ट्रेलिया मात्र नभई क्यानडा भनेर पनि चिनिन थालेको छ ।
एक्सपर्ट चितवनका निर्देशक डिल्लीराम अधिकारीले क्यानडा जान चाहने विद्यार्थीको संख्या पनि बढ्दै गएकाले चितवनमै विशेष सेमीनार राखिएको बताए । ‘अष्ट्रेलिया मात्र नभई क्यानडा, युके र युएसए जाने विद्यार्थी बढ्न थालेको छ, उहाँहरुको सहजताका लागि सेमीनार आयोजना गरेका हौं, यसबाट फाइदा उठाउन अभिभाव, विद्यार्थीहरुमा अनुरोध छ’–निर्देशक अधिकारीले भने ।
सेमीनारमा क्यानडाका १० वटा कलेज तथा विश्वविद्यालयका प्रतिनिधि, युकेका १९ वटा कलेज तथा विश्वविद्यालयका प्रतिनिधि र युएसएका २२ वटा कलेज तथा विश्वविद्यालयका प्रतिनिधिहरुले प्रत्यक्ष रुपमा त्यहाँ अध्ययन गर्न आवश्यक मापदण्ड र शिक्षाको बारेमा प्रत्यक्ष रुपमा परामर्श दिनेछन् ।
सेमीनार भरतपुर–१० स्थित रोयल सेन्चुरी पछाडी एक्सपर्टको आफ्नै भवनमा विहान १० देखि अपरान्ह ५ बजेसम्म चल्ने छ । पछिल्लो समय एक्सपर्टबाट क्यानडा अध्ययन गर्न जाने विद्यार्थीको संख्या बढेको छ ।
