भरतपुर, २ कात्तिक ।
चितवन क्षेत्र नम्बर ३ प्रतिनिधिसभा सदस्य गठबन्धनका उम्मेदवार रहेका डा. भाेजराज अधिकारीले अध्यक्ष प्रचण्डले दिनुभएको कार्यभार पुरा गर्न जनतामाझ अाएकाे बताएका छन् । उनलेे अाफु प्रचण्ड विकासको उत्तराधिकारी भएको उल्लेख गरे । त्यसका लागि युवालाई नेतृत्व दिन उनलेे अनुरोध गरेका छन् ।
निर्वाचित भएपछि जनतासँग सँगसँगै रहने उनले प्रतिबद्धता व्यक्त गरेका छन् ।पश्चिम चितवनको पार्वतीपुरमा भएको चुनावी कार्यक्रममा सेवा बाहेक अरू कुनै स्वार्थ नरहेको उनलेे बताए ।विचारले युवा हुने उनकाे भनाई छ । पहिले डाक्टर भएर सेवा दिएका उनले जनप्रतिनिधि भएपछि जनताको सेवामा थप विस्तार हुने बताए ।
हार्नेकाे ईतिहास नहुने उल्लेख गर्दै उनलेे जित्नेकाे ईतिहास बनाउने बताए । मन र मतलाई एकिकृत गर्न सके फरक विम्व तयार हुने उनलेे बताए । मंसिर ४ गतेसम्म अाफुसँग केही नहुने बताएका डा. अधिकारीले त्यसपछि याेजना कार्यान्वयनमा केन्द्रीकृत हुने बताए ।कार्यक्रममा राष्ट्रिय सभा सदस्य गंगा बेलबासेले बाम लाेकतान्त्रिक गठबन्धनका उमेदवारलाई निर्वाचित गर्ने गरि अघि बढ्न कार्यकर्तालाई निर्देशन दिईन् । अागामी निर्वाचनका लागि क्षेत्र नम्बर ३ (क) मा कांग्रेसका डा. सुर्यकान्त घिमिरे र (ख) मा माओवादीका ठाकुर प्रसाद ढकाल चुनावी मैदानमा छन् ।
