भरतपुर, असाेज ३१ ।
गठबन्धनका उमेदवारहरूलाई हार्ने छुट नभएको एक चुनावी कार्यक्रमका सहभागीहरूले बताएका छन् । यसै सन्दर्भमा माअाेवादी केन्द्रका पाेलिट्ब्युराे सदस्य सुर्य सुवेदी (पथिक) ले राष्ट्रिय राजनीतिले गठबन्धनलाई यहाँसम्म ल्याएकाे बताए । गठबन्धनको यात्रा लामाे रहेको उल्लेख गर्दै उनले एकता र विश्वास सधैं कायम हुनुपर्नेमा जाेड दिए । नेपाली कांग्रेस चितवन क्षेत्र नम्बर ३ का सभापति लालबहादुर दवाडीले कांग्रेस भित्रका शुद्व कार्यकर्ताहरू गठबन्धनमै अाबद्व भएकोले डा. भाेजराज अधिकारी नेतृत्वका उमेदवारकाे जित निश्चित भएको बताए ।
लाेकतान्त्रिक-बाम गठबन्धनको क्षेत्रीय बैठकलाई सम्बाेधन गर्दै उनलेे सबै गठबन्धन एकताबद्व हुन अाब्हान गरेका छन् । उनी चुनावी गठबन्धनका संयोजक हुन् । बजारमा धेरै हल्ला चले पनि गठबन्धनको ध्यान मंसिर ४ मा अाफ्ना उमेदवारलाई जिताउन केन्द्रीकृत हुने बताए ।माअाेवादी केन्द्र चितवन जिल्ला संयोजक रामचन्द्र अधिकारीले अन्तरदलिय विश्वासकाे बाताबरण बनाउन जाेड दिईने बताए ।गठबन्धनमा जनसम्पर्क बढाउन कृयाशिल हुने बताए । एकिकृत समाजवादीका जिल्ला उपाध्यक्ष अरूण पिडित भण्डारीले प्रतिगमन विरूद्वकाे लडाइँमा जित हासिल हुने बताए । बैठकलाई सम्बाेधन गर्दै चितवन ३ का प्रतिनिधि सभा सदस्य उमेदवार डा. भाेजराज अधिकारीले गठबन्धनकाे मार्ग निर्देशन अनुसार अघि बढ्ने प्रतिबद्धता व्यक्त गरेका छन् । निर्वाचित भएपछि यहाँकाे चिन्ता र चासो सम्बाेधन गरेर अघि बढ्ने उनको भनाइ छ । त्यसका लागि गठबन्धन अाबद्व दल पुर्ण सहयोग रहने उनको विश्वास छ । बैठकमा बाेल्ने क्षेत्रीय सदस्यरूले गठबन्धनबाट दायाँबायाँ नहुने बताएका छन् । सबै नेता कार्यकर्ता नै उमेदवार बनेर अघि बढ्नुपर्नेमा अधिकांशकाे जाेड थियो । प्रचारप्रसारमा कसैको लहडमा लागेर अन्य समुहको पछि नलाग्न बैठकले अपिल गरेको छ ।
बैठकमा नेकपा माअाेवादी केन्द्रका पाेलिट्ब्युराे सुर्य सुवेदी (पथिक), जिल्ला संयोजक रामचन्द्र अधिकारी, एकिकृत समाजवादीका जिल्ला उपाध्यक्ष अरूण पिडित भण्डारी लगायत गठबन्धन अाबद्व दलका क्षेत्रीय नेता कार्यकर्ताहरू उपस्थित थिए । गठबन्धनले भाेलीबाट गितानगर बजारमा क्षेत्रीय प्रचारप्रसार कार्यालय सञ्चालनमा ल्याउदै छ । साे कार्यालय सञ्चालनकाे तयारी र अागामी संयुुक्त चुनावी कार्यक्रमका लागि बैठक अायाेजना गरिएको हाे । गितानगरमा ३ नम्बर क्षेत्रकाे क्षेत्रीय समिति, ३ (क) काे प्रदेशसभा कार्यालय चनाैलीमा रहने, ३ (ख) काे कार्यालय जगतपुर र माडीमा रहने र नेपाली कांग्रेसको क्षेत्रीय कार्यालय फुलबारीलाई समेत सञ्चालनमा ल्याउने माअाेवादी केन्द्रका जिल्ला संयोजक अारसी अधिकारीले जानकारी दिए ।
