भरतपुर, साउन १७।
चितवनको भरतपुरमा अन्नपूर्ण भोकेस्नल स्कुल एन्ड एजुकेसनल सर्भिशेष संचालनमा आउने भएको छ।
चितवनमा पहिलो पटक २ वर्षे प्रोफेस्नल कुलिनरी आर्टसमा डीप्लोमा गराउन अन्नपूर्ण भोकेस्नल स्कुल एन्ड एजुकेस्नल सर्भिशेष आउने भएको हो।
दुई वर्षमा चार सेमेस्टर अन्तर्गत तीन सेमेस्टर अमेरिकी स्ट्यान्डर्डमा व्यबहारी र सैद्धान्तिक दुबै किसिमका पढाइ हुने र अन्तिम चौथो सेमेस्टर नेपाल, भारत वा अन्य देशहरुमा इन्टनसीप गराइने अन्नपूर्ण भोकेस्नल स्कुल एन्ड
एजुकेसनल सर्भिशेषका प्रबन्ध निर्देशक रबिन्द्र बुढाथोकीले जानकारी दिनु भयो।
टेक्निकल पार्टनर अमेरिकन हस्पिटालिटी एकेडेमी (USA)को सहकार्यमा संचालित अन्नपूर्ण भोकेस्नल स्कुल एन्ड एजुकेसनल सर्भिशेषमा कोर्स सकिसके पछि बिश्वस्तरीय होटेलहरुमा रोजगारी समेत प्रदान गरीने र कोर्स पछि इच्छुक विद्यार्थीले नेपालमा नै ब्याचलर इन इन्टरनेसनल कुलिनरी आर्टस (BICA) तेस्रो सेमेस्टरबाट पढ्न पाउनुका साथै अष्ट्रेलिया, न्युजिल्यान्ड , अमेरिकका जस्ता देशहरुमा ब्याचलर डिग्रीको लागि क्रेडिट ट्रान्सफर समेत गर्न पाउने बुढाथोकीले जानकारी दिनु भयो।
राष्ट्रिय तथा अन्तर्राष्ट्रिय स्तरका होटेल तथा क्याट्रिइङ उद्योगमा किचनका लागी आवश्यक पर्ने दक्ष जनशक्ति उत्पादन गर्ने र आत्मा निर्भर बनाउनुका साथै कोर्स अन्तर्राष्ट्रिय स्तरको भएकाले बिदेशका विभिन्न वल्र्ड क्लास होटेलहरुमा यहाँबाट उत्पादित विद्यार्थीहरुको उच्च माग रहने बिश्वास गरीएको बुढाथोकीले बताउनु भयो।
कोर्सको क्रममा विद्यार्थीको स्तर उन्नतिका लागी विभिन्न तारे होटेलमा लगी प्राबिधिक/ सैद्धान्तिक शिक्षा दिनुका साथै बिद्यार्थीको सीप बिकासका लागि विभिन्न प्रकारका कार्यक्रम तथा तालीमहरुमा सहभागी गराइने छ।
एसइई दिएका जुनसुकै ग्रेड ल्याएका विद्यार्थीहरुले कोर्समा भर्ना हुन पाउने छन् भने प्लस टु दिएका र पास भएका विद्यार्थीहरुले कोर्स सकेपछि नेपाल र बिदेशका विभिन्न मुलुकमा ब्याचलरका लागी क्रेडिट ट्रान्सफरको सुबिधा पाउने छन्।
उहाँका अनुसार चितवनमा नै पहिलो पटक अन्तर्राष्ट्रिय स्तरको मापदण्ड अनुसारको तालीम प्रदान गर्ने भएकाले अन्नपूर्ण भोकेस्नल स्कुल ले कक्षा कोठा सेट अप , ल्याब सेट अप र ब्यवस्थापनमा विशेष ध्यान दिएको छ। साथै तालिम मात्रै नभैकन विद्यार्थीहरुको हस्पिटालिटी कल्चर अभिबृदीका लागि विभिन्न कार्यक्रमको समेत आयोजना गर्ने प्रबन्ध निर्देशक बुढाथोकीले बताउनु भयो।
साथै हालसालै कोर्स लिन इच्छुक विद्यार्थीहरुको नाम दर्ता हुनुका साथै अन्तरबार्ताबाट विद्यार्थी छनोट समेत भै रहेको उहाँले जानकारी गराउनु भयो।
