चितवन –
३० औं नर्सिङ लाइन्सेन्स परीक्षामा चितवनको भरतपुर महानगरपालिका १० सप्तगण्डकीचोकस्थित द जिएमआई एकेडेमीले उत्कृष्ट नतिजा ल्याएको छ ।
नर्सिङ लाइन्सेन्स परीक्षामा द जिएमआईबाट सहभागी मध्ये ९६ प्रतिशत विद्यार्थीहरु उतिर्ण भएको प्रवन्ध निर्देशक महेश लामिछानेले बताए । लाइसेन्स परीक्षामा उतिर्ण विद्यार्थीहरुलाई विदाई गरिएको छ ।
शनिबार भरतपुरमा आयोजित एक कार्यक्रमकाबीच उनीहरुलाई विदाई गरिएको हो । विदाई कार्यक्रमकी प्रमुख अतिथि विर अस्पतालकी नर्सिङ अफिसर लक्ष्मी पौडेलले विद्यार्थीहरुलाई शुभकामना दिईन् । उनले आफ्नो क्षेत्रमा अब्बल भई सेवामा लाग्न आग्रह समेत गरिन् ।
कंडेल कन्सल्टेन्सीसँगको सहकार्यमा भएको विदाई कार्यक्रममा उतिर्ण विद्यार्थीहरु पनि सहभागी थिए । द जिएमआईले चितवनमा बिगत १४ वर्षदेखि नर्सिङसहित बिभिन्न तयारी कक्षाहरु सञ्चालन गर्दै आएको छ । द जिएमआईले बिभिन्न तहका विद्यार्थीहरुलाई साइन्स र म्यानेजमेन्टका गुणस्तरीय तयारी कक्षाहरु सञ्चालन गर्ने प्रवन्ध निर्देशक लामिछानेले बताए ।
यस्तै सिटीईभीटीतर्फ स्टाफ नर्स, एच ए, ल्याब, फार्मेसी, इन्जिनियरिङलगायतका तयारी कक्षाहरु पनि द जिएमआईले सञ्चालन गर्दै आएको छ । लामिछानेका अनुसार दश जोड दुईपछि एमबिबिएस, बिडिएस, बिएससी नर्सिङ, एग्रिकल्चर, भेटेनरीलगायतका प्रतिस्पर्धात्मक तयारी कक्षाहरु पनि सञ्चालन हुँदै आएको छ । तयारी कक्षामा द जिएमआईले उत्कृष्ट नतिजा समेत निकाल्दै आएको छ ।
