असार ८।
चितवन । चितवनमा अन्तरजातीय विवाह गर्ने दुई जोडीलाई सम्मान गरिएको छ। दलित भए पनि गैरदलितसँग विवाह गरेर जीवन निर्वाह गरिरहेका जोडीलाई दलित तथा सिमान्तकृत वर्ग उत्थान समिति भरतपुर महानगरपालिकाले आज (मंगलबार )सम्मान गरेको हो।
भरतपुर महानगरपालिकाको मेहर रेनु दाहालको प्रमुख अातिथ्यमा औपचारिक कार्यक्रम गरी भरतपुर -२७ का उदय सुनार , प्रतिमा गुरुङ सुनार र भरतपुर -६ का दिपक बुढाथोकी , निशा परियारलाई सम्मान गरेको छ।
कार्यक्रमको प्रमुख अतिथि भरतपुर महानगरपालिकाको मेहर रेनु दाहालले छुवाछूतलाई जरै देखि उखेल्नको लागि र जातीय विभेद अन्य गर्नको लागि अन्तरजातीय बिवाहालाई प्रोत्साहन गर्नुपर्ने बताउनुभयो । उहाँले हिजो भन्दा आज समाज परिवर्तन हुँदै आएको भन्दै यो कार्यक्रमलाई निरन्तरता दिएर छुवाछूत मुक्त महानगर निर्माण गर्ने बताउनुभयो । मेहर दाहालले भरतपुर महानगरपालिकाले बिकासको पूर्वाधार सँगै सामाज परिर्वतनमा समेत ध्यान दिदैँ आएको बताउनुभयो ।
त्यस्तै अन्तरजातीय विवाह गरेर समाजमा नमूना जोडीका रुपमा सङ्घर्ष गरिरहेका जोडीलाई सम्मानस्वरुप १ लाख रुपैयाँ प्रदान गरिएको कार्यक्रमका अध्यक्ष चक्र रुचालले बताउनुभो । उहाँले जातीय विभेद हटाउन अन्तरजातीय विवाहले सकरात्मक भूमिका निर्वाह गर्ने भएकाले उनीहरुको हौसलाका लागि सम्मान गरिएको जानकारी दिनुभयो ।
