१४ भदौ, काठमाडौं –
Advertisement
रसुवास्थित भोटेकोशीमा १० भदौको बिहान आएको बाढी पश्चात उद्धारमा खटिएको नेपाली सेनाले अहिलेसम्म २ हजार ६५० जनाको उद्धार गरेको छ ।
Advertisement
सैनिक मुख्यालय जंगी अड्डाका अनुसार शनिबार मात्रै टिमुरे, स्याफ्रुबेशी, मैलुङबाट ५४ जनाको हवाई उद्धार गरिएको थियो । जसमा ४६ चिनियाँ र ८ भारतीय छन् । अन्य समेत गरी शनिबार विभिन्न ठाउँहरुबाट ५५० जनालाई हवाई उद्धार गरिएको छ ।
जसमा १२१ भारतीय नागरिक, ४ जर्मन नागरिक ७२ चिनियाँ नागरिक २ अमेरिकन नागरिक, २ इटालियन नागरिक, १ ओमान नागरिक १५ कोरियन नागरिक छन् ।बाँकी भने नेपाली नागरिक हुन् ।
उद्धारका लागि ८ हजार ३ सय सैनिक खटिएका छन् ।
