विद्यार्थीमैत्री शिक्षा विधेयक सरकारको प्राथमिकतामा छ : शिक्षामन्त्री

संवाददाता

काठमाडौँ –

शिक्षा तथा खेलकुद मन्त्री सस्मित पोखरेलले शिक्षा ऐन निर्माण प्रक्रिया पारदर्शी ढङ्गले अगाडि बढाइने बताएका छन् । आइतबार राजधानीमा विद्यालय शिक्षा विधेयकका सन्दर्भमा विभिन्न सरोकारवालाहरूबिच भएको छलफलमा शिक्षा मन्त्री पोखरेलले निर्माणाधीन विद्यालय शिक्षा विधेयक, नियमावली तथा नीतिहरूलाई व्यावहारिक र दीर्घकालीन समाधान दिने गरी अगाडि बढाउनुपर्नेमा जोड दिएका हुन् ।

शिक्षामन्त्री पोखरेलले विद्यार्थीमैत्री शिक्षा विधेयक सरकारको पहिलो प्राथमिकतामा रहेको बताए । उनले सरकारले सरोकारवालाहरूका आवाजलाई केवल औपचारिक चर्चामा सीमित नराखी ऐन र नियमका रूपमा समावेश गर्ने प्रतिबद्धता जनाए । उनले तीनै तहका सरकार (सङ्घ, प्रदेश र स्थानीय) बिच समन्वय र अधिकारको स्पष्टता हुनुपर्नेमा जोड दिए ।

कुल बजेटको कम्तीमा २० प्रतिशत शिक्षामा लगानी गर्नुपर्ने विश्वव्यापी अभ्यास भए तापनि नेपालमा यो पर्याप्त नरहेको बताए । उनले स्थानीय तहलाई कुल बजेटको करिब ७० प्रतिशत अनुदानका रूपमा जाने भएकाले शिक्षाप्रतिको जिम्मेवारी र कर्मचारी र शिक्षकका सुविधाहरूमा स्थानीय तहको भूमिका महत्त्वपूर्ण रहने बताए ।

विद्यार्थी, शिक्षक, अभिभावक र सरकार सबैले आ–आफ्नो कमजोरी स्वीकार गरी एकबद्ध भएर लाग्नुपर्ने आवश्यकता औँल्याए ।

आइतबार, भदौ ०७, २०८३ मा प्रकाशित

भर्खरै

निष्ठा र ईमान्दारीता ,निरन्तरता हुदाहुदै पनि पुर्वमन्त्री उत्तम जोशी पराजित, चितवन काँग्रेसमा निराशा

एसवान होम्स र भीग्रुपको आयोजनामा बिल्ड नेपाल एक्स्पो हुंँदै

नेपाली कांग्रेसको १५औँ महाधिवेशनबाट शान्ति परियार विक केन्द्रीय सदस्यमा निर्वाचित

नेपाली कांग्रेसको १५औँ महाधिवेशनबाट विद्वान गुरुङ केन्द्रीय सदस्यमा निर्वाचित

चितवनमा मंसिर २५ देखि २७ सम्म ‘बिल्ड नेपाल एक्स्पो–२०२६’ आयोजना हुँदै

चितवन जिल्ला दुग्ध उत्पादक सहकारी संघको अध्यक्षमा पुनः बगाले, दुग्ध क्षेत्रलाई देशकै नमुना बनाउने प्रतिबद्धता

चाडपर्वमा कृत्रिम अभाव र ठगी रोक्न तीव्र बजार अनुगमन, काठमाडौँ उपत्यकामा दैनिक १० टोली खटाइँदै

२४ घण्टाभित्र प्रष्टीकरण दिन खगेन्द्र सुनारलाई रास्वपा अनुशासन आयोगको पत्र

ग्लोबल आइएमई लघुवित्त वित्तीय संस्था मानपुर तनँहुद्वारा बिमाबापत नगद रु. ७ लाख हस्तान्तरण

लोकप्रिय समाचार