प्रस्तावित शिक्षा ऐनबारे शिक्षा मन्त्रालयले सातै प्रदेशमा पुगेर शिक्षक, विद्यार्थी, प्रधानाध्यापक, अभिभावकसहित शिक्षा क्षेत्रका सरोकारवालासँग प्रत्यक्ष छलफल गर्ने भएको छ।

Advertisement

मन्त्रालयको ‘शिक्षा संवाद’ अभियान आज शनिबार विराटनगरस्थित आदर्श माध्यमिक विद्यालयबाट सुरु हुँदैछ। बिहान ११ बजे हुने कार्यक्रममा स्थानीय तहका शिक्षा प्रतिनिधि, शिक्षक, विद्यार्थी, अभिभावक तथा अन्य सरोकारवालाका सुझाव संकलन गरिनेछ।

Advertisement

अभियानअन्तर्गत जनकपुर, हेटौँडा, पोखरा, बुटवल, सुर्खेत र धनगढीमा पनि कार्यक्रम आयोजना हुनेछ। प्रदेश तथा स्थानीय तहबाट प्राप्त सुझावलाई शिक्षा ऐन निर्माणमा समेट्ने उद्देश्यले अभियान सञ्चालन गर्न लागिएको मन्त्रालयले जनाएको छ।