भरतपुर, चितवन –
उच्च गुणस्तरीय मिलिटरी र ट्याक्टिकल सामग्रीहरू उपलब्ध गराउने उद्देश्यले स्थापना गरिएको S3 Traders को भव्य उद्घाटन एक विशेष समारोहका साथ सम्पन्न भएको छ। सुरक्षाकर्मी, ट्याक्टिकल गियर प्रयोगकर्ता, साहसिक खेल प्रेमी तथा सुरक्षासम्बन्धी पेसामा संलग्न व्यक्तिहरूका लागि केन्द्रित यस नयाँ स्टोरले स्थानीय बजारमा नयाँ सम्भावनाको ढोका खोल्ने विश्वास गरिएको छ।
उद्घाटन समारोहमा विशिष्ट अतिथिका रूपमा नेपाली सेनाका कर्नेल दिनेश लामा, कर्नेल एम.पी. शाह, तथा सुजुकी शोरूम चितवन (साध्वी इन्टरनेशनल) का महाप्रबन्धक सुरज राज जोशी को गरिमामय उपस्थिति रहेको थियो। अतिथिहरूले S3 Traders को व्यवसायिक सोच, गुणस्तरीय सामग्री र स्थानीय बजारमा यसले ल्याउने प्रतिस्पर्धात्मक मूल्यप्रति सराहना व्यक्त गरे।
कार्यक्रममा S3 Traders का प्रोप्राइटर समुन्द्र पुडासैनी ले स्टोर स्थापना गर्ने उद्देश्य प्रस्ट्याउँदै भने, “हामी बजारमा उपलब्ध अन्य विक्रेताहरूको तुलनामा अझ किफायती मूल्यमा उत्कृष्ट गुणस्तरका मिलिटरी सामग्रीहरू आपूर्ति गर्नेछौं। हाम्रो लक्ष्य गुणस्तर र विश्वसनीयताको नयाँ स्तर कायम गर्नु हो।”
उनका अनुसार, स्टोरमा विभिन्न प्रकारका ट्याक्टिकल गियर, मिलिटरी ड्रेस, उपकरण, साहसिक खेलमा प्रयोग हुने सामग्रीहरू लगायत सुरक्षासम्बन्धी विभिन्न उत्पादनहरू उपलब्ध छन्।
S3 Traders ले विशेषगरी सुरक्षाकर्मी, आर्मी/पुलिस/सशस्त्र बलका कर्मचारीहरू, ट्याक्टिकल गियर प्रयोगकर्ताहरू, साहसिक पर्यटक र विभिन्न सुरक्षासम्बन्धी व्यवसायिक क्षेत्रलाई लक्षित गर्दै सेवा दिन थालेको हो।
