चितवन — व्यावसायिक सीप विकासमा सक्रिय संस्था काठमाडौं बेकरी र चितवन बारिस्ता एकेडेमीद्वारा आयोजित प्रमाणपत्र वितरण तथा सम्मान समारोह भरतपुरस्थित ग्लोबल होटल प्रा.लि.मा भव्य रूपमा सम्पन्न भएको छ।
कार्यक्रममा बेकरी तथा बारिस्टा तालिम सफलतापूर्वक सम्पन्न गरेका १२० भन्दा बढी प्रशिक्षार्थीहरूलाई प्रमाणपत्र प्रदान गरिएको थियो।
समारोहका प्रमुख अतिथि भरतपुर महानगरपालिका वडा नं. १० का वडाध्यक्ष परमेश्वर खनाल रहनु भएको थियो।उहाँले प्रशिक्षण पूर्ण गरेका सम्पूर्ण युवा सहभागीहरूलाई बधाई दिँदै आफ्नो दक्षता र सीपलाई स्वदेशमै प्रयोग गर्न प्रेरणा प्रदान गर्नुभयो। उहाँले भन्नु भयो, “यस्ता व्यावसायिक तालिमहरू युवाहरूलाई आत्मनिर्भर बनाउने महत्वपूर्ण माध्यम हुन्। विदेशिनु भन्दा यहीँ बसेर देशमै अवसर खोज्नुपर्छ।” साथै, उहाँले यस्ता कार्यक्रमहरू आयोजना गर्ने काठमाडौं बेकरी र चितवन बारिस्ता एकेडेमीका सञ्चालक प्रकाश श्रेष्ठलाई पनि धन्यवाद ज्ञापन गर्दै निरन्तर यस्ता सीपमूलक तालिमहरू सञ्चालन गर्न आग्रह गर्नुभयो।
कार्यक्रममा विशेष अतिथि Style Makeover Salon का प्रबन्ध निर्देशक कुमार श्रेष्ठ र St. Xavier’s Institute का प्रबन्ध निर्देशक प्रशान्त अधिकारीको समेत उपस्थित रहेको थियो। अधिकारीले आफ्नो मन्तव्यमा युवा प्रशिक्षार्थीहरूलाई मेहनत, निरन्तरता र अनुशासनका साथ अगाडि बढ्न प्रेरणा दिनुभयो। उहाँले यस्ता व्यावसायिक तालिमहरू देशको समग्र मानव संसाधन विकासमा योगदान पु¥याउने विश्वास व्यक्त गर्नुभयो।
कार्यक्रमको समापन Kathmandu Bakery का प्रबन्ध निर्देशक श्री प्रकाश श्रेष्ठले गर्नुभएको थियो। उहाँले सम्पूर्ण सहभागीहरूलाई बधाई दिँदै भविष्यमा अझ प्रभावकारी तालिमहरू सञ्चालन गर्ने प्रतिवद्धता व्यक्त गर्नुभयो। साथै, व्यावसायिक क्षेत्रमा अग्रसर हुन आवश्यक मार्गदर्शन समेत दिनुभएको थियो।
समारोहपश्चात, सहभागीहरूको सम्मानमा सांगीतिक कार्यक्रम, नृत्य र फेलोसिप पार्टी समेत आयोजना गरिएको थियो, जसमा प्रशिक्षार्थीहरूले आफ्नो उपलब्धिको खुसी साझा गर्दै रमाइलो वातावरण सिर्जना गरेका थिए।
