असार १८, चितवन —
विरेन्द्र आईटी क्लबले आफ्नो ७ औं वार्षिक साधारण सभामार्फत २०२५/२६ कार्यकालका लागि नयाँ कार्यसमिति गठन गरेको छ। विरेन्द्र क्याम्पस परिसरमा आयोजित सभामा पूर्व अध्यक्ष श्री प्रशान्त पौडेलको अध्यक्षतामा कार्यक्रम सम्पन्न भएको थियो।
सभाबाट अनिश आचार्यलाई नयाँ अध्यक्षको जिम्मेवारी दिइएको छ। क्लबले आचार्यको नेतृत्वमा आगामी वर्षहरूमा नवप्रवर्तन, युवा सशक्तिकरण र प्रविधिको प्रभावकारी प्रयोगमा विशेष जोड दिने जनाएको छ।
नयाँ कार्यसमिति
नवगठित कार्यसमितिमा अनिश आचार्य अध्यक्ष पदमा चयन भएका छन् भने तत्कालीन अध्यक्षको हैसियतमा प्रशान्त पौडेलले मार्गदर्शकको भूमिका निर्वाह गर्नेछन्। श्रेया गैरे उपाध्यक्ष, समिन थापा क्षेत्री सचिव र सरोज लम्साल कार्यक्रम संयोजकको जिम्मेवारीमा छन्। रितिका तिमल्सिना सह-सचिव, निकित शर्मा कोषाध्यक्ष तथा अनिश पाण्डे सह-कोषाध्यक्षका रूपमा चयन भएका छन्। क्लबको सञ्चार व्यवस्थापनको जिम्मा बिशाल अधिकारीले सम्हाल्ने छन् भने भवक ढकाल आउटरीच म्यानेजरका रूपमा रहनेछन्। कार्यकारी पर्यवेक्षकहरूमा ओम प्रकाश लामिछाने, पृथक अधिकारी र चाहना पोखरेल रहेका छन्। यस्तै, नविन पौडेल र राजिब सेढाई कार्यकारी सदस्यका रूपमा चयन भएका छन्।
नयाँ नेतृत्व चयनसँगै क्लबले आगामी दिनमा युवामाझ प्रविधिको पहुँच विस्तार गर्ने र प्रयोगात्मक शिक्षा प्रणालीमा ध्यान केन्द्रित गर्ने जनाएको छ।
क्लबका प्रमुख कार्यक्रम र भूमिका
विरेन्द्र आईटी क्लब विगतका वर्षहरूदेखि चितवन जिल्लामा सूचना प्रविधिसम्बन्धी कार्यक्रमहरू सञ्चालन गर्दै आएको एक अग्रणी विद्यार्थी संगठन हो। क्लबले प्रविधिमा रुचि राख्ने विद्यार्थीहरूलाई तालिम, मार्गदर्शन र अभ्यासको अवसर दिँदै आएको छ।
केही प्रमुख कार्यक्रमहरू यसप्रकार छन्:
-
विद्यालय र क्याम्पसस्तरमा डिजिटल साक्षरताको विस्तार
-
कोडिङ, वेब डेभलपमेन्ट र साइबर सुरक्षा तालिम
-
‘प्रोजेक्ट एक्स्पो’ मा विद्यार्थीहरूका इन्नोभेटिभ कामको प्रदर्शन
-
फ्रीलान्सिङ र स्टार्टअप संस्कृतिमा सहभागीता बढाउने अभियान
-
राष्ट्रिय तथा अन्तर्राष्ट्रिय प्राविधिक संस्थाहरूसँग सहकार्य
अध्यक्ष आचार्यको प्राथमिकता: प्रयोग, पहुँच र परिणाम
नव निर्वाचित अध्यक्ष अनिश आचार्यले पहिलो मन्तव्यमा भने, “हामी प्रविधिलाई सीमित प्रयोग होइन, समाजमै उपयोग गर्न सक्ने माध्यमको रूपमा अघि बढाउनेछौं। क्लब केवल तालिम केन्द्र होइन, अवसर सिर्जना गर्ने प्लेटफर्म बन्नेछ।”
उनका अनुसार आगामी योजना निम्न बुँदामा केन्द्रित हुनेछ:
-
प्रविधिको प्रयोगमार्फत शिक्षा सुधारमा योगदान
-
ग्रामीण क्षेत्रमा कम्प्युटर साक्षरताको अभियान
-
इन्नोभेसन च्यालेन्ज, ह्याकाथनजस्ता प्रतियोगितामार्फत सिर्जनशीलता प्रोत्साहन
-
युवालाई डिजिटल स्वरोजगारतर्फ प्रेरित गर्ने कार्यक्रमहरू
विरेन्द्र आईटी क्लबले पछिल्ला वर्षहरूमा स्थानीय क्षेत्रमा सूचना प्रविधिको प्रयोगलाई विद्यालय, विद्यार्थी र समुदायसम्म पुर्याउने काममा सक्रिय भूमिका खेलेको छ। नयाँ कार्यसमिति गठनसँगै क्लबको कार्ययोजना अझ प्रभावकारी हुने विश्वास गरिएको छ।
