भरतपुर-मैयादेवी गल्र्स कलेजको पछाडि अवस्थित Ideal Educational Hub ले शैक्षिक क्षेत्रमा नवीन सोच, समर्पित सेवा र गुणस्तरीय शिक्षण विधिहरूका साथ आफ्नो सेवा औपचारिक रूपमा प्रारम्भ गरेको छ।
यस संस्थाले कक्षा १ देखि १२ र Bachelor तहसम्मका विद्यार्थीहरू का लागि विषयगत ट्युसन कक्षा, होम ट्युसन सेवा, साथै विशेष तयारी कक्षाहरू सञ्चालन गर्दै आएको छ। अंग्रेजी, गणित, विज्ञान, सामाजिक, नेपाली, शिक्षा, व्यवस्थापन, मानविकी लगायत विभिन्न संकायका विषयहरूमा अनुभवी शिक्षकद्वारा अध्यापन गरिन्छ।
SEE तयारी, CTEVT प्रवेश परीक्षा तयारी, तथा Advance Science Bridge Course जस्ता कार्यक्रमहरू समेत संस्थाको प्रमुख शैक्षिक अभियानमा पर्दछन्।
संस्थाका मुख्य कार्यकारी अधिकृत (CEO) श्री प्रदीप कुमार कर ले संस्थाको उद्देश्य स्पष्ट पार्दै भन्नुभयो, “हाम्रो लक्ष्य केवल परीक्षा पास गराउने मात्र होइन, दीर्घकालीन रूपमा आत्मनिर्भर, सक्षम र व्यवहारिक विद्यार्थी उत्पादन गर्नु हो।”
कार्यकारी निर्देशक श्री संगम पोखरेल का अनुसार, “Bachelor तहका विद्यार्थीहरूको लागि पनि अब भरतपुरमै गुणस्तरीय ट्युसन सेवा उपलब्ध गराउने हाम्रो प्रयास हो।”
प्रमुख निर्देशक (Managing Director) श्री सुरेश रानाभाट ले भने, “Ideal Educational Hub ले सबै तह र उमेर समूहका विद्यार्थीहरूलाई लक्षित गर्दै भरतपुरमा गुणस्तरीय वैकल्पिक शिक्षाको आवश्यकता पूरा गर्ने विश्वास लिएको छ।”
संस्थाले आफ्ना सम्पूर्ण गतिविधिहरू तथा विद्यार्थी प्रगतिहरू व्यवस्थित रूपमा पेशागत पोर्टफोलियो प्रणाली मार्फत अभिलेख राख्ने व्यवस्था मिलाएको छ, जसले अभिभावक–शिक्षक समन्वयमा समेत पारदर्शिता र प्रभावकारिता थप्नेछ।
स्थानिय अभिभावक, विद्यार्थी तथा सरोकारवालाहरूले यस संस्थाको सुरुवातलाई अत्यन्त सकारात्मक रूपमा लिएका छन्। Ideal Educational Hub भरतपुरमा भरोसायोग्य, समर्पित र सर्वाङ्गीण शैक्षिक सेवाको नयाँ विकल्पको रूपमा स्थापित हुँदै गएको छ।
