भरतपुर-५, गुलाफबगस्थित श्री भद्रकुमारी राष्ट्रिय आधारभूत विद्यालयले यस वर्ष पहिलो पटक सहभागी भएको आधारभूत तह उत्तीर्ण परीक्षा (BLE) २०८१ मा सामुदायिक विद्यालयतर्फ दोस्रो स्थान हासिल गर्न सफल भएको छ।
यो विद्यालयको पहिलो ब्याच भएतापनि विद्यार्थीहरुको अथक परिश्रम, शिक्षक-शिक्षिकाको समर्पण, कर्मचारीको निरन्तर साथ, विद्यालय व्यवस्थापन समिति तथा अभिभावकहरूको सहयोगले विद्यालयलाई यो गौरवमय उपलब्धिसम्म पुर्याउन सफल बनाएको छ।
विद्यालय परिवार सम्पूर्ण विद्यार्थीहरूलाई हार्दिक बधाई ज्ञापन गर्दै, उज्ज्वल भविष्यको शुभकामना व्यक्त गर्दछ। साथै, दिनरात मेहनत गरी मार्गनिर्देशन गर्ने सम्पूर्ण शिक्षकगण, सहयोगी कर्मचारी, प्रेरणादायी अभिभावक र विद्यालयसँग प्रत्यक्ष वा अप्रत्यक्ष रूपमा जोडिनु भएका सम्पूर्णमा हार्दिक धन्यवाद तथा सम्मान प्रकट गर्दछ।
यो सफलता हाम्रो लागि मात्र होइन, सम्पूर्ण क्षेत्रकै लागि प्रेरणाको स्रोत बन्नेछ। आगामी दिनहरूमा अझ उत्कृष्ट नतिजा ल्याउने अठोटसहित विद्यालयले आफ्नो शिक्षण क्रियाकलापलाई थप प्रभावकारी बनाउँदै लैजाने प्रतिवद्धता जनाएको छ।
