चैत २८ गते, चितवन ।
ईभि गाडी दिपलको चितवनबाट पनि विक्री वितरण सुरु गरेको छ । आज एक औपचारिक कार्यक्रमका विच भरतपुरको हाकिम चोकमा रहेको स्वरुम उद्घाटन गर्दै विक्रिवितरण सुरु गरेको नेपालका लागि आधिकारीक विक्रेता एम ए डब्लु वृद्धिका प्रमुख कार्यकारी अधिकृत रुपेश भट्टले जानकारी दिनुभयो । बुधबार आयोजना भएको विशेष कार्यक्रममा चित्तवन उद्योग वाणिज्य संघका अध्यक्ष सुमन कुमार श्रेष्ठ, राजहंस अटोमोबाइलका निर्देशक दिलिप थानेत, एमएडब्लु वृद्धिका कार्यकारी निर्देशक विवेक सिकारिया लगायतले फ्युचरिस्टिक डिजायन र कटिंग एज टेक्नोलोजीले भरिएको दिपल एस ०७ एल र दिपल ई ०७ लाई सार्वजनिक गर्नु भएको थियो । दिपल इभी सार्वजनिक गर्नुहुँदै चित्तवन उद्योग वाणिज्य संघका अध्यक्ष सुमन कुमार श्रेष्ठले चित्तवनमा चांगानको सफलताको कामना गर्नु भयो । साथै, उहाँले चांगान र अन्य ब्रान्डहरुले विक्री मात्र नभई विक्रीपछिको सेवा र ग्राहक सन्तुष्टिलाई प्राथमिकतामा राख्नुपर्नेमा जोड दिनुभयो । कम्पनीका प्रमुख कार्यकारी अधिकृत रुपेश भट्ट शर्माले नेपालमा सार्वजनिक भएको एक वर्षमा आठ सय वटा भन्दा बढी दिपल गाडी विक्री भइसकेको जनाउनुभयो । यसको डिजाइन तथा प्रविधिका कारणले यो ईभि गाडी धेरैको रोजाइमा परेको उहाँको दाबी थियो । एमएडब्लु वृद्धिले राजहंस अटोमोबाइलमार्फत चित्तवनमा पनि इन्टेलिजेन्ट र फ्युचरिस्टिक दिपल इभीको फस्ट–ह्यान्ड एक्सपिरियन्स दिलाउन नयाँ सोरुम सुरु गरेको जनाएको छ । चित्तवनमा नयाँ सोरुम खुलेको अवसर पारेर एमएडब्लु वृद्धिले बिहीबारबाट तीनदिनका लागि टेस्ट ड्राइभ एन्ड एक्सचेन्ज क्याम्प पनि सुरु गरेको छ । टेस्ट ड्राइभ क्याम्पमा ग्राहकले मात्र २० प्रतिशत डाउनपेमेन्टमा दिपल इभी खरिद गर्न सक्ने कम्पनीले जनाएको छ ।
