वीरगञ्जको ड्राइपोर्टमा पाँच सय थान विरुवा रोपिएको छ । सामुदायिक प्रहरी साझेदारी कार्यक्रमअन्र्तगत ड्राइपोर्टदेखि उत्तरतिर सर्वाेत्तम स्टिल र दक्षिणतिरका डिभाइडरसम्म विभिन्न प्रजानीका पाँच सय थान विरुवा रोपिएको हो ।
वीरगञ्ज महानगरपालिकासँगै ग्रिनसिटी सामुदायिक सेवा केन्द्र तथ ाग्रिनसिटी सामुदायिक प्रहरी सेवा केन्द्र आदर्शनगर र साबिह दरबारको सयुँक्त लगानीमा विरुवा रोपिएको हो ।वीरगञ्ज महानगरपालिकाका प्रमुख राजेशमान सिंहले विरुवा रोपेका थिए । हरित शहर बनाउनका लागि मद्धत पुग्नुका साथै सडक सून्दर देखिने भएकाले विरुवा रोप्ने कार्यलाई महानगरले प्राथमिकतामा राखेको प्रमुख सिंहको भनाई छ ।
ड्राइपोर्ट परवानीपुर सडकको डिभाइडरमा म्याङ्गो स्टिक, गुल्मोहर, पिपल, समी (फाइकस बेन्जाइना), अशोक, निम लगायत विभिन्न प्रजातीका बिरुवा रोपीएको ग्रिनसिटी सामुदायिक सेवा केन्द्रका अध्यक्ष जयप्रकाश खेतानले जानकारी दिए ।
सो अवसरमा महानगरपालिकाका प्रमुख प्रशासकीय अधिकृत मातृका भट्टराई, डिभिजन वन कार्यालयका प्रमुख सुनिललाल कर्ण, जिल्ला प्रहरी कार्यालय पर्साकी प्रहरी निरीक्षक निता थापा, वीरगञ्ज महानगरपालिकाका सरसफाई शाखा प्रमुख सर्फुदिन मियाँ, समाजसेवी महेशसिंह धामी लगायतको उपस्थिती रहेको थियो ।
