वीरगंज
पूर्णरुपमा तस्करी रोक्न एसपी ढुंगेलको निर्देशन
पर्साका प्रहरी प्रमुख (एसपी) कुमोध ढुंगेलले जिल्लामा पूर्णरुपमा तस्करी रोक्न मातहातका
प्रहरी निकायलाई कडा निर्देशन दिएका छन् । जिल्ला प्रहरी कार्यालय पर्सामा भएको छलफलमा मातहतका सबै प्रहरी प्रमुखसँग ब्रिफिङ लिँदै उनले जिल्लाको शान्ति सुरक्षा र तस्करी नियन्त्रणमा सक्रिय भएर लाग्न निर्देशन दिएका हुन् । साउन महिनामा जिल्लाका विभिन्न ठाउँमा लाग्ने गरेको मेलालाई थप व्यवस्थित र सुरक्षित बनाउन उनले मातहतका प्रहरी प्रमुखलाई निर्देशन दिएका हुन् । प्रहरी निकायसँगको छलफलमा उनले भने, ‘पछिल्लो समय पर्सा जिल्लामा फाटफुट रूपमा तस्करी भइरहेको गुनासाहरू आइरहेको छ ।
छलफलमा पछिल्लो समय पर्सा जिल्लामा फाटफुट रूपमा तस्करी भइरहेको गुनासाहरू आइरहेकोे सुनाउँदै उनले भने, ’अब यस्ता गुनासाहरु काहीँ कतैबाट आउनुहुदैँन, कसैको एरियाबाट तस्करी हुनुहुँदैन । यदि कसैले यस्ता गरायो भने, त्यसलाइ त्यहीबेला कारबाही गरिन्छ । त्यसकारण पूर्णरुपमा तस्करी बन्द हुनुपर्छ ।’
अब यस्ता गुनासाहरु काहीँ कतैबाट सुन्न नपरोस्, आ-आफ्नो एरियाबाट हुने तस्करीलाई नियन्त्रण गर्न सक्रिय भएर लाग्नुस् । यदि कसैले तस्करी गराएको, ‘लाइन क्लियर’ गराएको सूचना आए दोषीलाई त्यहीबेला कारबाही गरिन्छ ।’ विभागको नीतिभन्दा बाहिर गएर कसैलाई काम गर्ने छुट नभएको
बताउँदै उनले सेवाग्राहीलाई पहिलो प्राथमिकतामा राखेर काम गर्न निर्देशन दिए । प्रहरी प्रमुख ढुंगेलसँगको ब्रिफिङमा मातहतका चौकी इन्चार्ज र इलाका प्रहरी कार्यालयका इन्चार्जसहित सबै प्रमुखहरुको उपस्थिति थियो ।
विभागको नीतिभन्दा बाहिर गएर कसैलाई काम गर्ने छुट नभएको बताउँदै ’विभागको नीति अनुसार काम गर्ने प्रहरीलाइ पुरस्कृत गरिनेछ,बताए ।उनले भने,नीति विपरीत काम गर्नेलाइ भने ठाडो कारवाही गरिनेछ । गलत गर्ने जोसुकै भएपनि त्यसलाई कारबाहीको दायरामा ल्याइन्छ ।’
सेवाग्राहीलाइ पहिलो प्राथमिकतामा राखेर काम गर्न प्रहरी प्रमुख ढुंगेलले मातहातका प्रहरी प्रमुखहरुलाई निर्देशन दिएका छन् ।
पछिल्लो समय नेपाल प्रहरी र सशस्त्र प्रहरीले तस्करीमा कडाई गरेपछि तस्करहरु छटपटिएका छन् ।
