पटेर्वासुगौली गाउँपालिका–४ स्थित नेपाल राष्ट्रिय माध्यमिक विद्यालय सुगौली दापमा शनिवार आँखा शिविर सम्पन्न भएको छ।

Advertisement

सामुदाय–प्रहरी साझेदारी कार्यक्रम अन्तर्गत इलाका प्रहरी कार्यालय, पटेर्वासुगौलीको आयोजनामा वीरगंज सामुदायिक आँखा केन्द्र र तिलगङ्गा आँखा अस्पतालको प्राविधिक सहयोगमा सम्पन्न भएको शिविरमा १४० जनाको आँखा चेकजाँच गरी औषधि प्रदान गरिएको सामुदायिक आँखा केन्द्रका स्वास्थ्य संयोजक महेश सिंह धामीले बताए ।

शिविरमा आँखा परीक्षण गरिएकामध्ये ४७ जनामा मोतीबिन्दु फेला परेको मेडिकल संयोजक महेश सिङ्ग धामीले बताए। शिविरमा स्वास्थ्यकर्मीहरू प्रभात चौरसिया, मुस्कान श्रेष्ठ, अपसा अन्सारीलगायतले आँखा परीक्षण गरेका थिए।