परीक्षा सेन्टरमा अमर्यादित व्यवहार भएको भन्दै वीरगन्जको हरिखेतान बहुमुखी क्याम्पसको परीक्षा सेन्टरमा परीक्षार्थीहरू तोडफोड गरेका छन् । कलेजका शिक्षकहरूले अमर्यादित व्यवहार गरेको भन्दै परीक्षार्थीहरूले तोडफोड गरेको प्रारम्भिक सोधपुछमा बुझिएको छ।
विभिन्न बहाना बनाएर मानसिक यातना दिएको भन्दै विद्यार्थीहरूले तोडफोड गरेको परीक्षामा सहभागी अरबाज अन्सारी बताए । क्याम्पस प्रशासनले नियतवश टर्चर दिएको उनको भनाई छ ।
क्याम्पभित्र प्रवेश गरिसकेपछि हामीहरूलाई अनुगमन गर्ने निहुँमा उत्तर पुस्तिका खोसिदिने, उभ्याइदिने, सबैको अगाडि नाङ्गो पारिदिने जस्ता शब्द बोल्ने गतिविधि गरिरहेको बुझिएको छ।
पछिल्लो समय डा. भगवान् प्रसाद यादव क्याम्पस प्रमुखको जिम्मेवारीबाट बाहिरिएसँगै हरि खेतान क्याम्पसको साख पनि खस्दै गएको छ । त्यही विश्वासलाई बचाउनका लागि किशोरी रायले षड्यन्त्र रच्दै पछिल्लो एक दशकदेखि उत्कृष्ट नतिजा ल्याउँदै आएको एनआइ कलेजका विद्यार्थीलाई मानसिक तनाव दिएर परीक्षा बिगार्न खोजेको यस घटनाबाट स्पष्ट हुन्छ । परीक्षाको बेला विद्यार्थीलाई मानसिक तनाव र टर्चर दिनु कदापि सह्य हुँदैन । विद्यार्थीहरू बाध्य भएर आफ्ना मागहरू राख्न प्रदर्शनमा उत्रिएका हुन् ।
विद्यार्थीको भविष्यसँग खेलवाड नगरी सहज वातावरणमा परीक्षा दिने वातावरण मिलाइदिनुपर्ने उनिहरुको माग छ।
