बिरगंज चैत्र ९
वीरगञ्जमा बिहीबार आयोजित परियोजना समिक्षा कार्यक्रममा संस्थाले सञ्चालन गरेको विविध गतिविधिबाट हाँसिल भएको उपलब्धीका बारेमा जानकारी गराईएको थियो । ललाई फकाई भारतका विभिन्न सहर लगेर बेचविखनमा परेका महिला, किशोरी तथा बालिकालाई उद्धार गरिएको आफन्त नेपाल वीरगञ्ज शाखा प्रमुख सुनिता सापकोटाले जानकारी दिईन् । उद्धार कार्यमा नेपाल र भारतका सुरक्षा निकायको सहयोग रहेको उनको भनाई छ ।
वीरगञ्जको नगवा स्थित शाखा कार्यालयमा १० जनासम्म राख्न सक्ने अस्थायी आवास गृह सञ्चालनमा छ । १७ जनालाई कानूनी सहायता गर्दा २ सय ४७ जनालाई पारिवारिक पूर्नमिलन समेत गराउन सफल भएको छ । सन् २०२२ मा ४ हजार ३ सय ७८ जनालाई मानव बेचविखनका बारेमा सूचना र १ हजार ४ सय ९१ जनलाई परामर्श सेवा दिएको शाखाले सन् २०२३ मा क्रमशः ७ हजार २ सय २३ जना र ३ हजार ६३ जनालाई सेवा दिएको छ ।आफन्त नेपालको झापादेखि महेन्द्रनगरसम्म १० वटा शाखा छ । भने भारतको नयाँ दिल्लीमा पनि शाखा छ ।
वीरगञ्ज महानगरपालिकाको सभाहलमा भएको कार्यक्रममा उप प्रमुख इम्तियाज आलाम तथा सहभागी सरोकारवालाले आफन्त नेपाल वीरगञ्ज शाखाले गरेको कामको प्रशंसा गरेका छन् । उनीहरुले आफन्त नेपाल वीरगञ्ज शाखाले मानव बेचविखन र लैंगिक हिंसा नियन्त्रणका लागि खेलेको भूमिका प्रशंसनीय भएको बताए ।वीरगञ्ज महानगरपालिकाका उपप्रमुख इम्तियाज आलमले बेचविखनमा परेका वा लैंगिक हिंसा पीडितलाई आवश्यक सहयोग गर्न महानगरपालिका तयार रहेको बताए । उनले वीरगञ्जमा लैंगिक हिंसा पीडितलाई राख्ने स्थायी आवास गृह बनाउन जग्गाको खोजी भइरहेको समेत जानकारी गराए ।
परियोजना व्यवस्थापक अनिता खड्काको अध्यक्षतामा भएको कार्यक्रममा ओसीएमसी इन्चार्ज हेमा थापा, जिल्ला प्रहरी कार्यालय पर्सामा कार्यरत प्रहरी निरीक्षक मनिषा लौडारी, महिला बालबालिका तथा जेष्ठ नागरिक सेवा केन्द्रकी प्रहरी सहायक निरीक्षक नन्दकला टमाटा र एसएसबी प्रहरी निरीक्षक मनोज कुमार शर्मालाई सम्मान गरिएको थियो ।
