चितवन ।
उद्योग वाणिज्य संघ चितवनको आसन्न अधिवेशनमा सदस्य पदका लागि शिक्षा क्षेत्रका युवा उम्मेदवार महेश लामिछानेले उम्मेदवारी दिनुभएको छ । लामो समयदेखि शैक्षिक क्षेत्रमा आवद्ध रहनु भएका लामिछाने हाल चितवन र नवलपुरका विभिन्न कलेजहरुमा अध्यापनरत एवं शैक्षिक तथा व्यवसायिक क्षेत्रका सञ्चालक रहनु भएका लामिछानेले खुल्ला सदस्यमा उम्मेदवारी दिनुभएको हो ।
भरतपुर-१० सप्तगण्डकीचोकका स्थायी बासिन्दा ३५ वर्षीय लामिछाने भौतिक शास्त्रका प्राध्यापक समेत रहनु भएको छ । भरतपुरमा रहेको द जिएमआईका प्रिन्सिपल रहनु भएका लामिछाने गोल्डेन गेट होस्टेल, एम एस पुस्तक एण्ड स्टेसनरी, गुड लाइफ होम केयर नेपाल, न्यू गंगा काष्ठ तथा फर्निचर उद्योग, सहि हो इभेन्टस् एण्ड इन्टरटेनमेन्टका सञ्चालक समेत रहनुभएको छ
।
विभिन्न शैक्षिक एवं व्यवसायिक संस्थाका सञ्चालक लामिछानेले हाल बालकुमारी कलेज, अर्किड कलेज, नारायणी पोलिटेक्निक ईन्स्टिच्युट, ग्रीनल्याण्ड पब्लिक कलेजमा भौतिकशास्त्र अध्यापन गर्दै आउनु भएको छ । यसअघि उहाँले आदिकवी भानुभक्त मावि, गुरुकुल कलेज र अंकुरम एकेडेमीमा अध्यापन गरिसक्नु भएको छ ।
नेपाल होस्टेल एशोसिएसन चितवनका पूर्व उपसचिव समेत रहनु भएका लामिछानेले होस्टेल एशोसिएसनको तर्फबाट उम्मेदवारी दिनु भएको हो । उद्योग वाणिज्य संघ चितवनमा उहाँको सदस्यता नम्बर ६६४५ रहेको छ । व्यवसायीहरुको छाता संगठन उद्योग वाणिज्य संघ चितवनमा सोमबारबाट चुनावी माहोल सुरु भएको छ । यही पुस २३ गते हुने संघको ५७औँ वार्षिक साधरणसभा तथा अधिवेशन संघको कार्यसमिति सदस्यका लागि युवा व्यवसायी महेश लामिछानेले पनि मनोनयन दर्ता गराउनु भएको हो । “राष्ट्रको आवश्यकता, उधोगमा युवा सहभागिता ” भन्ने मूल नारा बोकेर लामिछाने कार्यसमिति सदस्य (खुल्ला)का लागि आफ्नो उम्मेदवारी पेश गर्नुभएको छ ।
चितवनका आधा दर्जन भन्दा बढी व्यवसाय गर्दै आउनु भएका लामिछाने विभिन्न संघ/संस्थामा समेत आबद्ध हुनुहुन्छ । व्यवसायको स्तर उन्नतीका साथै पछिल्लो समय युवाहरु विदेश पलायन भएको अवस्थामा देशमै रहेर सफल व्यवसाय गर्न सक्ने व्यवस्था मिलाई युवाहरुको रोजगारी अवस्थालाई सुधार गर्न आफू संघमा आउनुपर्ने भएकाले कार्य समिति सदस्य (खुल्ला)का लागि उम्मेदवार पेश गरको लामिछानेले बताउनुभयो । आसन्न अधिवेशनमा कार्य समिति सदस्यका लागि (उद्योग तर्फ) १२ जनाले उम्मेदवारी पेश गरेका छन् भने संघको अध्यक्षका लागि सुमन कुमार श्रेष्ठ र शिरिष पन्तले उमेदवारी दिनुभएको छ ।
