पुस १७,चितवन।
व्यवसायिहरुको छाता संगठन उद्योग वाणिज्य संघ चितवनमा आजबाट चुनावी माहोल सुरु भएको छ। यहीं पुस २३ गते हुने संघको ५७ औं वार्षिक साधरणसभा तथा अधिवेशन मार्फत नयाँ नेतृत्व आउनका लागि इच्छुक उमेदवारहरुले आज नामावली मनोनयन दर्ता गराएका छन्।
संघको कार्यसमिति सदस्यका लागि युवा व्यवसायी महेश लामिछानेले पनि मनोनयन दर्ता गराएका छन्। “व्यवसायमा युवा, संघमा युवा” भन्ने मूल नारा बोकेर लामिछाने कार्यसमिति सदस्य (खुल्ला) का लागि आफ्नो उमेदवार पेश गरेका हुन्।
लामिछाने नेपाल होस्टेल एशोसिएसन चितवनका पूर्व उपसचिव हुन्। उनी भरतपुर १० मा रहेको द जिएम अाई एकेडेमीका अध्यक्ष समेत हुन्।
लामो समय देखि शैक्षिक क्षेत्रमा आवद्ध रहेका लामिछाने हाल चितवन र नवलपुरका विभिन्न कलेजहरूमा भौतिशास्त्रका प्रध्यापक रहदै आएका छन्। चितवनका आधा दर्जन भन्दा बढी व्यवसाय गर्दै आएका लामिछाने विभिन्न संघ संस्थामा समेत आवद्ध छन्।
व्यवसायको स्तर उन्नतीका साथै पछिल्लो समय युवाहरु विदेश पलायन भएको अवस्थामा देशमै रहेर सफल व्यवसाय गर्न सक्ने व्यवस्था मिलाई युवाहरुको रोजगारी अवस्थालाई सुधार गर्न आफू संघमा आउनु पर्ने भएकाले कार्य समिति सदस्य (खुल्ला) का लागि उमेदवार पेश गरको लामिछानेले बताए।
आसन्न अधिवेशनमा कार्य समिति सदस्यका लागि (उद्योग तर्फ) १२ जनाले उम्मेदवारी पेश गरेका छन् भने संघको अध्यक्षका लागि सुमन कुमार श्रेष्ठ र शिरिष पन्तले उमेदवारी दिएका छन्।
क्षेत्रपुरको होटल दियालो फुडल्याण्डमा हुने संघको अधिवेशनमा तीनहजार एकजना व्यवसायीहरुले नेतृत्व चयनका लागि मतदान गर्ने कार्यक्रम रहेको छ । संघका तीनहजार सातसय बढी सदस्यहरु रहेको भएपनि पौष १० गतेसम्म नविकरण भएकाहरु मात्रै मतदाताको रुपमा भाग लिन पाउने व्यवस्था गरिएको छ ।
