चितवन, पुस १२-
नेपाल कम्युनिष्ट पार्टी (एमाले) अध्यक्ष एवम् पूर्वप्रधानमन्त्री केपी शर्मा ओली भोलि चितवन आउने भएका छन् । कालिका नगरपालिकामा रहेको भीमोदय माविको स्वर्णमहोत्सवको उद्घाटनका लागि अध्यक्ष ओली चितवन आउन लागेका हुन् ।
नेकपा एमाले चितवनका अध्यक्ष रामप्रसाद न्यौपानेका अनुसार ओली भोलि विहान ११ बजे भरतपुर विमानस्थल आइपुग्ने र त्यसपछि कालिका नगरपालिका जाने कार्यक्रम तय भएको छ ।
खोलेसिमलस्थित कालिका व्याङ्क्वेटमा बिहान ११ बजे आयोजित पार्टीको अगुवा कार्यकर्ता भेटघाटमा ओली सहभागी हुने छन् । त्यसपछि अध्यक्ष ओली विद्यालयको स्वर्ण महोत्सव समारोहमा सहभागी हुने छन् । स्वर्ण महोत्सवमा २५ हजार भन्दा बढी चन्दा दिने दाताहरुलाई सम्मान गर्ने कार्यक्रम रहेको विद्यालयका प्रधानाध्यापक इन्द्रनाथ पौडेलले जानकारी दिए ।
उनका अनुसार विद्यालय संस्थापक, संस्थापक शिक्षक, पूर्व अध्यक्षहरु, पूर्व प्रधानाध्यापकहरुलाई समेत सम्मान गर्ने कार्यक्रम छ । यस्तै विद्यालयमा निर्माण स्वर्णद्धारा उद्घाटन, स्वर्ण स्मारिका विमोचन, स्वर्ण स्तम्भ अनावरण लगायतको कार्यक्रम छ ।
