चितवन । चितवन फुटबल क्लब र सहिद स्मृति प्रतिष्ठान नेपालद्वारा अन्तर स्कुल फुटसल प्रतियोगिता २०८० हुने भएको छ ।फुटसल प्रतियोगितामा प्रथम धनराशि रु ४० हजार र साथमा मेडल ट्रफी र प्रमाणपत्र रहेको छ । यसैगरी द्वितीय पुरस्कार रु २० हजार र साथमा मेडल ट्रफी र प्रमाणपत्र रहेको पत्रकार सम्मेलनद्वारा आज शनिबार जनाइएको हो ।
उक्त प्रतियोगितामा चितवन जिल्ला र जिल्ला आसपासका मकवानपुर र नवलपुर जिल्ला स्कुलहरुले पनि प्रतियोगितामा सामेल हुन टिम दर्ता गराएको क्लबका अध्यक्ष सुशील कार्कीले बताउनुभयो ।
उहाँका अनुसार, प्रतियोगितामा ४० वटा टिमको सहभागी हुने अपेक्षा राखिएको छ । भने खेल यही असोज १५ र १६ गतेसम्म गरि जम्मा दुई दिनको हुने र खेल भरतपुर १० स्थित क्षेत्रपुर ब्रदर्श फुटसल एरिनामा खेलाइनेछ । उक्त खेल ७/७ मिनेटको रहने आयोजकको भनाइ छ । प्रतियोगिताको तयारी अन्तिम चरणमा पुगेको र भोलि आइतबार साँझ खेल तालिका सार्बजनिक गरिनेछ ।
