चितवन – उद्योग संघ चितवनको आयोजनामा उद्योग संघको प्रदर्शनी हलमा शनिबारे मेला चलिरहेको छ । यहि श्रावण ६ गतेबाट शुरु भएको उक्त मेला प्रत्येक शनिबार बिहान ६ बजेदेखि ११ बजेसम्म चल्नेछ ।
चार वटा शनिबार चलिसकेको मेलामा ७ हजार भन्दा बढीले अवलोकन गरिसकेका छन् भने २५ लाख भन्दा बढिको कारोबार भएको छ । चौथो हप्तासम्म आइपुग्दा प्रदर्शकको स्ट्ल संख्या ४० बाट ६७ पुगेको छ भने उपभोक्ताको पनि बढ्दो आकर्षण देखिएको छ ।
स्थानीय स्तरमा उत्पादन भएका रैथाने खाध्य बस्तुहरुको प्रवर्द्धन गर्ने उदेश्यले यो मेलाको आयोजना गरिएको हो । उत्पादक र उपभोक्ता विचको दुरिलाई कम गर्न, उत्पादित बस्तुहरुको वजारिकरण गर्न, उपभोक्ताहरुलाई आवस्यक बस्तु उचित मुल्यमा र एकै ठाउँमा पाइने वातावरण मिलाउन यो मेलाले महत्वपूर्ण भुमिका खेल्ने उद्योग संघ चितवनका अध्यक्ष त्रीलोचन कंडेल बताउछन ।
स्वदेशमै उत्पादन भएका दैनिक उपभोग्य बस्तुहरु निउरो, कुरिलो, टुसा, फर्सि जस्ता स्वस्थ्यवर्दक तरकारी तथा केरा, चिउरी, भुइँकटहर, ड्र्यागन फुड लगायतका स्वदेशमै उत्पादित फलफूल, दूध एवं दुग्ध जन्य पदार्थहरु स्वदेशी कपडा, सेल, खिर, कुराउनी टिपिकल थारु परिकार घोङ्गी लगाएतका विभिन्न परिकारहरु सफा एवम् वातावरण मैत्री एउटै छानामुनी पाइने भएकाले पनि उपभोक्ताहरुको आकर्षण बढेको उद्योग संघका वरिष्ठ उपाध्यक्ष सुर्य न्यौपानेको भनाई छ ।
चितवनमा ड्र्यागन फुडको खेती गर्दै आएका र बिबिध तरकारी एवम फलफुलको स्टल राखेका प्रदर्शक शम्भु सुवेदी उधोग संघले शनिबारे मेलाको थालनी गरेकोमा अत्यन्त खुशी छन् ।
उनी भन्छन्, यो मेलाले किसानलाई उपभोक्ताहरु संग प्रत्यक्ष जोडिदिएको छ जसका कारण उधारोमा खरिद गरि बिचौलियाले लिने अधिकतम नाफा उपभोक्ताले छुट पाउनेछन भने किसानले नगदमा सामान बिक्री गर्न पाउछन् । यस्तै बाताबरण राज्यले मिलाइदिने हो भने हामी गुणस्तर र मूल्य दुबैमा बिदेशी उत्पादन संग सजिलै प्रतिस्पर्धा गर्न सक्छौ ।
भरतपुर १० मा डेरा लिई सप्तगण्डकी क्याम्पस पढ्ने तनहु तुरतुरेकी शर्मिला पौडेल भन्छिन् मलाई त आफ्नै गाउको याद आयो, जहिले ओइलाएको बिषादीयुक्त तरकारी किनेर खानु पर्थ्यो मेला शुरु भएदेखी यस्तो सफा ठाउँमा गाउँ गाउँका उत्पादन किन्न पाइएको छ खुशी लागेको छ। म चार वटै शनिबार आएको छु अझ हप्तामा २ या ३ दिन मेला लागे राम्रो हुने उनको भनाइ छ ।
