भरतपुर, १२ वैशाख
राष्ट्रिय प्रजातन्त्र पार्टी चितवनले ६ पालिकामा ६४ वडामा उम्मेदवारी दर्ता गराएको छ । एमालेसँगको चुनावी तालमेलका आधारमा भरतपुरको उपमेयरमा हिमला गुरुङ, माडीको उपमेयरमा मदनप्रसाद ढकालले उम्मेदवारी दर्ता गराउनुभएको छ ।
भरतपुरको १५ र २६ मा एमालेसंगको तालमेलका आधारमा वडाध्यक्ष पदमा उम्मेदवारी दर्ता गराएको छ । यस्तै ४, ११, १६, २४ मा मित्रवत प्रतिस्पर्धा गर्ने गरी वडाध्यक्षमा उम्मेदवारी दर्ता गराएको छ ।
रत्ननगरमा मेयरमा हरिशरण भट्टराई, उपमेयरमा विमला थापा महतो, कालिकाको मेयरमा सोमबहादुर खड्का, उपमेयरमा बुद्धिलक्ष्मी स्याङतान, खैरहनीमा मेयरमा सागर पाण्डे, उपमेयरमा यमुना खड्का डल्लकोटी, राप्ती मेयरमा मनोज अधिकारी, उपमेयरमा मिरा बर्तौलाले उम्मेदवारी दर्ता गराउनुभएको छ ।
माडीमा ५ वडा, रत्ननगरमा १६, कालिकामा ११, खैरहनीमा १३, राप्तीमा १३ वडामै वडाध्यक्ष सहित सदस्य पदहरुमा उम्मेदवारी दर्ता गराइएको जिल्ला अध्यक्ष रुद्रप्रसाद ढकालले जानकारी दिनुभयो ।
