चैत्र २१, चितवन । आगामी बैशाख ३० गते हुने स्थानीय तहको निर्वाचनका लागि चितवनमा गठबन्धनमा रहेका दलहरुको जिल्ला स्तरीय सयन्त्रको आकस्मिक बैठक आज नारायणगढमा सम्पन्न भएको छ ।
नेपाली काङ्ग्रेस चितवनका सभापति राजेश्वर खनालको सभापतित्वमा पार्टी कार्यलयमा नारायणगढमा बसेको बैठकले जिल्ला स्थित ७ वटै स्थानीय तह र जिल्ला समन्वय समितिमा समेत चुनावी तालमेल गर्ने,सात वटै पालिकामा गठबन्धनका दलहरुका बिच बैठक बसि चुनावी तालमेलका सम्बन्धमा सयुक्तस सयन्त्र निर्माण गरि छलफल प्रक्रिया अगाडि बढाउने निर्णय भएको छ। सयुक्त सयन्त्रको सयोजन भने नेपाली काङ्ग्रेसको पालिका सभापतिले गर्ने निर्णय भएको छ ।
नेपाली काङ्ग्रेस चितवनका सभापति राजेश्वर खनाल,ने क पा माओबादी केन्द्र चितवनका सयोजक रामचन्द्र अधिकारी, नेकपा एकीकृत समाजबादी चितवनका इन्चार्ज कृष्णप्रसाद खनल, जनता समाजबादिका अध्यक्ष प्रेम भुजेल र जनमोर्चाका अध्यक्ष डम्बर पुरी लगायतको सयुक्त बैठकले गठबन्धनका दलहरुको बिच गठबन्धनका मर्म र भावना अनुरुप एक आपसमा हार्दिकताको बिकास गर्दै सयुक्त रुपमा स्थानीय तहको निर्वाचनमा सहभागी हुने निर्णय भएको नेपाली काङ्ग्रेस चितवनका सभापति राजेश्वर खनालले बताए ।
साथै बैठकले केन्द्रिय परिपत्र अनुसार दलगत बस्तु स्थितिको बारेमा प्रतिबेदन तयार गर्न प्रत्येक दलबाट एक एक जना प्रतिनिधि रहने गरि एक कार्यदल गठन गर्ने निर्णय भएको सभापति खनालले बताए ।
