चैत, १० चितवन ,सप्तगण्डकी बहुमुखी क्याम्पसको रेडियो र टेलिभिजन ल्याब प्रयोगबिहिन बनेको छ । स्थापना गरेको दुई वर्ष भन्दा बढि समय हुदा पनि सन्चालनमा ल्याउन नसकेपछि ल्याव प्रयोगबिहिन बनेको हो । क्याम्पसमा आमसन्चार विषयको पठनपाठन हुने गरे पनि ल्याबको प्रयोग नहुदा पढाइ प्रभावकारी हुन नसकेको विद्यार्थीहरुले गुनासो गर्न थालेका छन् ।
गत २०७६ साल कार्तिक २६ गते प्रदेश ३ का तत्कालिन मुख्यमन्त्री डोरमणि पौडेलले उद्घाटन गरेको ल्याव यत्तिकै थन्किएर बसेको छ । प्रदेश सरकारको सामाजिक विकास मन्त्रालयअन्तर्गतको शिक्षा विकास निर्देशनालयको क्याम्पस सबलीकरण सहयोग अनुदान कार्यक्रमअन्तर्गत ल्याब निर्माण भएको थियो । प्रदेश सरकारले २० लाख रुपैयाँ र क्याम्पसको पाँच लाख गरि २५ लाख रुपैयाँको लगानीमा स्थापना गरको ल्याव हाल प्रयोगबिहिन बन्दा न विद्यार्थीको सिकाइ सहजिकरणमै प्रश्न ऊठ्न थालेको छ।
बिद्यार्थीहरुको भनाई अनुसार पत्रकारिता विषय पढेपनि आवश्यक परेको स्थनमा समाचार समेत लेख्न सक्ने क्षमता समेत हासिल हुन सकेको छैन । विद्यार्थी भन्छन,”प्राक्टिकलको पैसा तिरेका छौँ तर उचित सैद्धान्तिक ज्ञान हासिल गर्न सकिएको छैन “।
बिद्यार्थीका अनुसार क्याम्पसमा रेडियो र टेलिभिजन ल्याब स्थापना र उद्घाटन गरेको दुई वर्ष भन्दा बढि समय हुदा सम्म प्रयोगमा आएका छैनन्।
यता क्याम्पसको आमसन्चार विषय शिक्षक मधु सुदन दवाडीका अनुसार जनशक्ति अभावका कारण ल्याब सन्चालनमा आउन नसकेको हो । उनी भन्छन् ,” कहिलेकाहीँ विज्ञापन मात्रै रेकर्ड हुन्छ , कहिले काहीँ ल्याब सन्चालनमा आएपनि जनशक्ति अभावमा निरन्तरता हुदैन ।
तर यता क्याम्पस प्रमुख मणिराज महतोले भने लकडाउनका कारण ल्याब सन्चालनमा समस्या भएको दावि गर्छन । महतोले व्यवस्थापन समितिको बैठक पश्चात् मँगलबारबाट अनलाइन रेडियो सन्चारको लागि लिङ्क बनाएर पठाईसकेको र विगत देखि नै प्रयोगात्मक अभ्यासकालागि चितवनका चर्चित र ठुला रेडियो स्टेसनहरु कालिका एफएम , सिनर्जि एफएम जस्ता स्थामा पठाउदै आएको दाबी समेत गरे । उनी भन्छन्,” बिद्यार्थीलाई हप्तामा १/२ दिन ल्याब लाने गरि समय तालिका बनाउने योजना मा रहेको बताउदै अन्य सबै कुरा हरु बिषय शिक्षकको जिम्मेवारी भएको र आफुलाई खासै जानकारी नभएको भन्दै पन्छिन खोजे । तर विषय शिक्षक दवाडि भने क्याम्पस ब्यवस्थापन ले आफुलाइ जिम्मेवारी नसुम्पेको बताउछन्। यसरी क्याम्पस प्रशासन नै गैर जिम्मेवार बन्दा विद्यार्थीको पठनपाठन भविष्यमाथि नै प्रश्न उठ्ने डर पैदा भएको छ ।
