चैत्र ०४, काठमाडौं ।आइसिसी पुरुष क्रिकेट विश्वकप लिग–२ त्रिकोणात्मक सिरिजमा विजयी शुरुवात गरेको नेपालले आज युएईको सामना गर्दै छ। नेपालले सिरिजको पहिलो खेलमा पपुवा न्यू गिनीमाथि जित निकाल्दै सिरिजमा सुखद शुरुवात गरेको छ।यस सिरिजमा नेपालले तेस्रो खेल युएईविरुद्ध चैत ७ गते खेल्नेछ भने चौथो खेल पपुवा न्युगिनिसँग चैत ८ गते खेल्ने तालिका रहेको छ। आइसिसी विश्वकप लिग–२ अन्तर्गत नेपालले अहिलेसम्म ९ खेलमा ५ खेलमा विजयी भएको छ भने ४ खेलमा पराजित भएको छ।

नेपाल १० अंक जोड्दै अंक तालिकाको छैटौं स्थानमा छ। त्यसैगरी ओमानले २८ खेलमा १७ खेलमा जित तथा ९ खेलमा हार बेहोर्दै ३६ अंक जोडेको छ । ओमन अंक तालिकाको शीर्ष स्थानमा छ।

त्यस्तै युएई १५ खेलमा ८ जित र ५ हार तथा एक खेलमा अंक बाड्दै १८ अंकसहित दोस्रो स्थानमा रहेको छ। त्यसैगरी स्कटल्यान्ड १२ खेलमा ७ मा जित र ३ मा हार तथा २ खेलमा अंक बाड्दै १६ अङ्कका साथ तेस्रो स्थानमा छ भने नामिबिया १४ खेलमा ७ जित र ७ हारका साथ १४ अंकका साथ चौथो स्थानमा रहेको छ। त्यस्तै अमेरिका १६ खेलमा ७ मा जित र ९ मा हारसहित १४ अंकसहित पाँचौ स्थानमा रहेको छ। त्यसैगरी पपुवा न्युगिनी १४ खेलमा सबै खेलमा हार बेहोरेर अंक तालिकामा पुछारमा रहेको छ।

सन् २०२३ सम्म चल्ने विश्वकप लिग–२ का शीर्ष तीन टोलीले सोही वर्ष हुने एकदिवसीय विश्वकप छनोटमा स्थान बनाउनेछन्।

त्रिकोणात्मक सिरिजका लागि कप्तान सन्दीप लामिछानेको नेतृत्वमा १६ सदस्यीय टिम युएई पुगेको छ। जसमा खेलाडीहरुमा सन्दीप लामिछाने ९कप्तान०, ज्ञानेन्द्र मल्ल, दिपेन्द्रसिंह ऐरी, कुशल भुर्तेल, आरिफ सेख, आसिफ सेख, कमल सिंह ऐरी, विवेक यादव, सागर ढकाल, पवन सराफ, करण केसी, बिनोद भण्डारी, रोहित कुमार पौडेल, सोमपाल कामी, भीम सार्की र बिक्रम सोब रहेका छन्।