चैत्र ११ गते, भरतपुर
रिकभरिंग नेपाल बागमती प्रदेशको अध्यक्षमा पुनः दिवाकर राज श्रेष्ठलाई चयन गरेको छ । शुक्रबार भरतपुरमा सम्पन्न रिकभरिंग नेपाल बागमती प्रदेशको प्रदेश स्तरिय भेलाले श्रेष्ठको अध्यक्षतामा ११ सदस्यीय नयाँ कार्यसमिति निर्विरोध निर्वाचित गरेको हो ।
२ वर्षे कार्यकालका लागी निर्विरोध निर्वाचित समितिको वरिष्ठ उपाध्यक्षमा किरण घोताने गुरुङ, उपाध्यक्षमा निर्मल बिडारी, सचिवमा बिनोद लाल श्रेष्ठ र कोषाध्यक्षमा भरत घिमिरे रहनुभएको छ । त्यसैगरी समितिको कार्यसमिति सदस्यहरुमा विजय गुरुङ, पुनिक लामा, बिक्रम सापकोटा, जानकी श्रेष्ठ, लक्ष्मण लामा र प्रविन श्रेष्ठ चयन हुनुभएको छ ।
यसैगरी रिकभरिंग नेपालको आगामी केन्द्रीय महाधिवेशनको लागी बागमती प्रदेशबाट केन्द्रीय सदस्यमा धुर्ब केसी र वैकल्पिक केन्द्रीय सदस्यमा सौजन डिसीलाई चयन गरिएको छ । यसअघि उद्घाटन सत्रमा बोल्दै कार्यक्रमका प्रमुख अतिथि रिकभरिंग नेपालका केन्द्रीय उपाध्यक्ष धुर्ब केसीले रिकभरिंग नेपाल लागुऔषध रोकथाम तथा न्यूनिकरणका लागी संचालित पुनस्र्थापना केन्द्रहरुको छाता संस्था भएको औल्याउँदै यस महासंघलाई अझै मजबूद रुपमा अघि बढाउन सम्पूर्ण सुधार गृहहरु एकजुट भई अघि बढ्नुपर्नेमा जोड दिनुभयो ।
सो कार्यक्रममा रिकभरिंग नेपालका केन्द्रीय सचिव समीर थापा, मकवानपुर रिकभरिंगका अध्यक्ष सन्दीप शाक्य र वरिष्ठ उपाध्यक्ष किरन घोताने गुरुङ लगायतले समेत मन्तव्य व्यक्त गर्नुभएको रिकभरिंग नेपाल बागमती प्रदेशका फोकल पर्सन शंकर निर्देशले जानकारी दिनुभयो ।
कार्यक्रममा संस्थाका निवर्तमान उपाध्यक्ष सौजन डिसीले स्वागत मन्तव्य राख्नुभयो भने संस्थाको प्रगति प्रतिवेदन निवर्तमान सचिव भरत घिमिरेले प्रस्तुत गर्नुभएको थियो । सो कार्यक्रम रिकभरिंग नेपाल बागमती प्रदेशका अध्यक्ष दिवाकर राज श्रेष्ठको अध्यक्षतामा सम्पन्न भएको थियो ।
रिकभरिंग नेपालले लागुऔषध सेवन रोकथाम गर्ने, दुव्र्यसनीको सुधारको क्षेत्रमा सक्रिय भूमिका निर्वाह गर्दै आएको छ ।
