माघ २७, चितवन ।चितवनका युवा लियो लिडर पुरुषोत्तम सुवेदीले प्रस्तावित लियो जिल्ला परिषद् ३२५ आर नेपालको अध्यक्षमा उम्मेद्वारी दिएका छन् । एक दशकदेखि लियोको यात्रामा रहेका सुवेदीले यसपटक अध्यक्षमा उम्मेद्वारी दिएका हुन् ।
विगतमा चार वटा डिष्ट्रिक्टहरु ३२५ ए १, ए २, बी १ र बी २ रहेका थिए । यसवर्षबाट ती चारबाट डिष्ट्रिकलाई टुक्राएर अन्य डिष्ट्रिक्ट बनाईएको छ । पहिलोपटक बनेको लियो जिल्ला परिषद् ३२५ आर नेपालका लागि सुवेदीले अध्यक्षमा उम्मेद्वारी दिएका हुन् ।
वर्ष २०१३ मा सदस्य भएसंगै सुरवात भएको सुवेदीको लियो यात्रा (२०१७/१८) मा क्लब अध्यक्ष , २०१८/१९ मा तालिम पुल डिर्पाटमेन्ट, २०१९/२० मा एरिया (को चिफ, २०२०/२१ मा एरिया चिफ, वर्ष (२०२१/२२) का जिल्ला कार्यकारी सचिव हुँदै प्रस्तावित जिल्ला परिषद ३२५ आर को लायन वर्ष २०२२/२३ को लागि जिल्ला अध्यक्षको पदमा उम्मेद्वारी दिँदै मनोनयन अधिकृत लियो कुबेर पाठक आफ्नो उम्मेदवारी पेश गरेका छन् ।
विगत लामो समय लियोमा आबद्ध भएर काम गरेको अनुभवका साथै नेतृत्व गर्ने उर्जालाई साथमा लिएर अध्यक्षमा उम्मेद्वारी दिएको सुवेदीले बताए । लियो जिल्ला परिषद ३२५ आर नेपाललाई बलियो, नमुना र सर्वोत्कृष्ट परिषद् बनाउने सुवेदीले अठोट लिएका छन् ।
उनले भने–‘नयाँ जिम्मेवारीका साथ थप चुनौतीलाई अवसरमा परिणत गरि सम्पूर्ण लियो अग्रज र साथीहरुको साथ र सहयोगको अपेक्षा लिएको छुँ, उहाँहरुको विश्वासलाई सधै आत्मसाथ गर्दै लियोलाई थप चलायमान र उदाहरणीय ढंगले अघि बढाउने विश्वास दिलाउँछु ।’ उनले सम्पूर्ण लियोको सहयोग, माया, भरोसा र विश्वासको लागि अपिल समेत गरेका छन् ।
