माघ २०, चितवन । चितवनमा आज (बिहीबार) कोरोनामुक्त हुनेको संख्या ३०० नाघेको छ । स्वास्थ्य कार्यालय चितवनले सार्वजनिक गरेको रिपोर्ट अनुसार पछिल्लो २४ घण्टामा ३४१ जना संक्रमणमुक्त भएका छन् । यस सँगै चितवनमा संक्रमणमुक्त हुनेको संख्या २८ हजार ३८१ पुगेको छ । बुधबार चितवनमा ५२ जना संक्रमणमुक्त भएका थिए ।
कोरोना संक्रमणबाट एक जनाको ज्यान गएको छ । यस सँगै जिल्लाभर कोरोनाबाट ज्यान गुमाउनेको संख्या ४४१ पुगेको छ ।
त्यस्तै आज जिल्लाभर थप ४० जना नयाँ संक्रमित थपिएका छन् । स्वास्थ्य कार्यालयले सार्वजनिक गरेको रिपोर्ट अनुसार पछिल्लो २४ घण्टामा ३३४ जनाको कोरोना परिक्षण गर्दा पिसिआरबाट ३७ र एन्टिजेनबाट ३ जना गरी थप ४० जनामा संक्रमण पुष्टि भएको हो । यस सँगै हालसम्म जिल्लभर संक्रमितको संख्या ३२ हजार ८९९ पुगेको छ ।
यता, आज जिल्लाभर ४ हजार ७७ सक्रिय संक्रमित रहेका छन् । जस मध्ये ४ हजार ३६ जना होम आइसोलेसनमा छन् भने ४१ जना अस्पतालमा उपचाररत छन् ।
