माघ ०८, काठमाडौं ।नेदरल्यान्ड्ससँगको पहिलो एकदिवसीय क्रिकेटमा अफगानिस्तान विजयी भएको छ ।दोहामा गएराति भएको खेलमा अफगानिस्तानले नेदरल्यान्ड्सलाई ३६ रनले हराएको हो ।

Advertisement

अफगानिस्तानले दिएको २ सय २३ रनको लक्ष्य पछ्याएको नेदरल्यान्ड्सले ४८ ओभरमा अलआउट हुँदै १ सय ८६ रन मात्र बनाउन सक्यो । नेदरल्यान्ड्सका स्कट एड्वार्डले ६८ रनको अर्धशतकीय पारी खेले ।

अफगानिस्तानका राशिद खानले ३ विकेट लिए । यसअघि पहिले ब्याटिङ गरेको अफगानिस्तानले ५० ओभरमा ८ विकेट गुमाएर २ सय २२ रन जोडेको थियो । अफगानिस्तानका हस्मुदउल्लाह शाहिदीले ७३ रन तथा रहमत शाहले ७० रनको अर्धशतकीय पारी खेले ।

नेदरल्यान्ड्सका ब्रान्डोन ग्लोभरले ३ विकेट लिए । त्यस्तै फ्रेड क्लासेनले २ विकेट लिए । यो जितसँगै अफगानिस्तानले तीन खेलको श्रृङ्खलामा १–० को अग्रता बनाएको छ ।