बिनीता कडेल
माघ ५ चितवन । भौतिक बिकासको रुपमा हेर्ने हो भने अरु भन्दा भरतपुर महानगरपालिकामा सडक पुर्वाधारमा बिकास भएको भनेर स्थानिय जनप्रतिनिधिहरुले सार्वजनिक रुपमै भाषण गरिसकेका छन । अझ महानगर प्रमुख रेणु दाहालले त भरतपुर महानगर भित्र आफ्नै कार्यकालमा मात्र झन्डै ६०० किलोमीटर सडक कालोपत्रे गरेको भनेर दाबी गरेकी छन ।
महानगरभित्र यसरी निर्माण भएका सडकहरुमा गुड्ने ठूलो मालबाहक सवारी ट्रक/ टिप्परहरुले भने ट्रफिक नियम पालना नगरि मनपरि चलाएको छ। त्यसै कारण दुर्घटनाको जोखिम बढ्दो त्रममा रहेको पाईन्छ । क्षमता भन्दा धेरै सामान बोक्ने, गतिभन्दा धेरै चलाउने , माधक पदार्थ सेवन गरेर चलाउने, जेब्राक्रसिङमा समेत गति सिमित नगर्ने जस्ता कारणले दुर्घटनाको जोखिम बढेको ट्राफिक प्रहरीहरु बताउछन। ठुलाठुला सामान बोक्ने ट्रक/ टिप्परका कारण भरतपुरमा दिनभर जामहुने समस्या समेत देखिएका छन् । यात्रुले बाटो काट्न असहज महसुस गरेको देखिन्छ । ठुलाठुला गाडिको चालकहरूले ट्रफिक नियम पालना नगरि मन परि हाईवेमा सवारि गुडाउने गरेका छन् ।
यस्तै एक पैदल यात्रु रुपना पाण्डे भन्छन् ,” टिप्परहरु बत्ताएर आउँछ बाटो काट्न निकै डर लाग्छ ” । ठुलाठुला गाडि भयो भन्दैमा स्पिड चलाउनु पर्छ र भन्दै आक्रोश पोखिन् । अर्को एक मोटरसाइकल चालक हरिबहादुर परिवार भन्छन्,”आफ्नो साईडमा बिस्तारै चलाएपनि कुन बेला पछाडिबाट आएर हान्दिने हो थाहा छैन “। अचेल दिउँसो निकै टिप्पर हिड्ने गरेका छन् । यो देशमा कुनै नियम कानुन छैन मान्छे हाने पनि पैसा तिरेर उम्कन्छन् के हुन्छ र उनिहरुलाई आफ्नो परिवारको बिचल्ली मात्र भन्दै दुखेसो गरे । यस्तै एक टिप्पर चालक भन्छन् ,” ठुलो गाडि त्यहि माथि धेरै लोड भएको कारण झाप्प रोक्न सकिदैन “। नियम कानुन बारे आफुलाई केही थाहा नभएको र साहुले जुन बेला जता भन्यो उतै माल पुर्याउने गरेको बताए ।
आफ्नो कुनै गल्ती नहुदा पनि ठुलो गाडि भएकोले सबै क्षतिपूर्ति तिर्नु पर्ने यस्तो नि हुन्छ , भन्दै उल्टै प्रस्न गरे । जिल्ला ट्रफिक प्रहरी पर्मुख प्रहरी निरिक्षक भगवान राज थापाका अनुसार बेलुका ६ बजे देखि बिहानको ८ बजे सम्म मात्र ट्रक/ टिप्पर हाईवेमा गुड्न पाँउछ। “हाल समयमा भने बिकासको काम निर्माण धमाधम भईरहेको कारण सामान ल्याउने ट्रक/ टिप्परलाई हामीले रोक्न मिल्दैन ” उनी भन्छन्। यसरी निर्माणका कामहरुको लागि भन्दै नियम बिपरित सबारि चलाउन दिदा त्यसले अनेक धटना निम्त्याउन सक्छ । सम्बन्धित निकायको बेलैमा ध्यान जाहोस्।
