रामपुरलाई हराउँदै एभरेष्ट बन्यो समूह बिजेता

माघ ०५, चितवन ।एभरेष्ट क्लब चितवन समूह ‘बी’ को बिजेता बन्दै सेन्ट्रल कलेज चितवन जिल्ला ए डिभिजन लिगको सेमिफाइनलमा प्रवेश गरेको छ ।

आज (बुधबार) भएको समूह चरणको अन्तिम खेलमा रामपुर फुटबल क्लबलाई १-० ले पराजित गर्दै एभरेष्ट समूह बिजेता बनेको हो । पराजित भए पनि रामपुर समूह उपबिजेता बन्दै सेमिफाइनलमा स्थान बनाउन सफल भएको छ ।

एभरेष्टको जितमा रोशन क्षेत्रीले निर्णायक गोल गरे । खेलको १६ औं मिनेटमा रोशनले गरेको गोल नै एभरेष्टलाई जिताउन पर्याप्त रह्यो । खेलको म्यान अफ दि म्याक्च एभरेष्टका रोशन क्षेत्री चुनिए ।

यो जितपछि समूह बिजेता बनेको एभरेष्टको १२ अंक भएको छ । समूह उपबिजेता बनेको रामपुरको ९ अंक भएको छ । चितवन जिल्ला फुटबल संघको आयोजनामा भरतपुर ७ कृष्णपुरस्थित रंगशालामा जारी लिगमा १३ टोली सहभागि छन् ।