पौष २६, चितवन । चितवनमा कोरोना संक्रमण भयाबह बन्दै जाने खतरा बढेको छ ।स्वास्थ्य कार्यालय चितवनले उपलब्ध गराएको तथ्यांक अनुसार हिजो आइतबार एक जना पनि संक्रमित नथपिएको चितवनमा विगत २४ घण्टामा ४१ जनामा संक्रमित थपिएपछि अवस्था भयाबह बन्दै गएको हो ।

Advertisement

यसअघि चितवनमा फाट्टफुट्ट मात्र संक्रमण देखिने गरेको थियो ।स्वास्थ्य कार्यालय चितवनले आज उपलब्ध गराएको तथ्यांक अनुसार भरतपुर महानगरपालिकामा २९ जना, खैरहनी नगरपालिकामा एक जना, माडी नगरपालिकामा तीन जना, रत्ननगर नगरपालिकामा ५ जना, राप्ती नगरपालिकामा तीन जना संक्रमित थपिएका हुन् । योसँगै चितवनमा सक्रिय संक्रमितको संख्या ११९ जना पुगेको छ । जसमध्ये घरमा आइसोलेसनमा ११२ जना र अस्पतालको आइसोलेसनमा सात जना रहेका छन् । चितवनमा आजसम्म ४३७ जनाले कोरोना संक्रमणको कारणले ज्यान गुमाएका छन् ।

Advertisement