मङ्सिर ११, चितवन।अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) बालकुमारी क्याम्पस कमिटीका अध्यक्षमा निकेश उप्रेती चयन भएका छन् ।क्याम्पसमा आज आइतबार भएको सम्मेलनले सर्वसम्मतीमा ३६ सदस्यीय नयाँ कार्य कमिटी चयन गरेको हो । जसको उपाध्यक्षमा रुद्र पौडेल, सचिवमा राम पाण्डे, सहसचिवमा दिवस पौडेल, श्रृजना रेग्मी, सविना बस्याल र कोषाध्यक्षमा सन्तोषी पौडेल चयन भएकी छिन् ।

अनेरास्ववियुका केन्द्रीय स्थायी कमिटी सदस्य एवम् जिल्ला इन्चार्ज प्रकाश भट्टको प्रमुख आतिथ्यतामा भएको सम्मेलन अनेरास्ववियु बालकुमारीका निवर्तमान अध्यक्ष अमित अधिकारीको अध्यक्षतामा सम्पन्न भएको थियो ।कार्यक्रममा अनेरास्ववियुका केन्द्रीय सचिवालय सदस्य देव पाठक, धिपन भण्डारी, अनेरास्ववियु जिल्ला अध्यक्ष प्रकाश आचार्य, अनेरास्ववियुका जिल्ला नेता अमितकुमार गुप्ता लगायतको उपस्थिति रहेको थियो । नेकपा एमालेको भातृ संगठनको रुपमा रहेको अनेरास्ववियुले धमाधम विभिन्न क्याम्पसहरुको नयाँ कमिटी गठन गरिरहेको छ ।