मङ्सिर ०९, चितवन ।नारायणगढमा रहेको हंस बहुउद्देश्यीय सहकारीले विद्यार्थीलाई छात्रवृत्ति वितरण गरेको छ । आज भरतपुर १६ विजयनगरमा रहेको दुर्गा शेषकान्त अधिकारी माध्यामिक विद्यालयमा अध्ययनरत ४ जना विद्यार्थीलाई छात्रवृत्ति वितरण गरिएको हो । विद्यालयको ६२ औं वार्षिकोत्सवको अवसरमा सहकारीका अध्यक्ष दिनेश कुमार चुके र भरतपुर महानगरपालिका उपप्रमुख पार्वती शाह ठकुरीले विद्यार्थीलाई छात्रवृत्ति हस्तान्तरण गर्नुभएको हो ।

सो विद्यालयमा अध्ययनरत कक्षा ८ मा सर्वोत्कृष्ट नतिजा ल्याउने तिनजना प्रनिशा पौडेल, योनिशा दाहाल, सुशिला खड्का र अपांगता भएका विद्यार्थी कृति रेग्मीले छात्रवृत्ति पाउन सफल भएका हुन् । सो अवसरमा संस्थाका अध्यक्ष दिनेश चुकेले हंस बहुद्देश्यीय सहकारी सामाजिक उत्तरदायित्व वहन गर्दै समाजका हरेक बर्ग संग साक्षात्कार गरिरहेको बताउनुभयो । आर्थिक एवं अन्य आधारभूत आवस्यकताका अभावका कारण कोही पनि विद्यार्थी शिक्षाबाट बञ्चित हुन नहुने उहाँको जिकिर छ ।

हंस बहुद्देश्यीय सहकारी सदैव विद्यार्थीको साथमा रहने उहाँको भनाई छ । सो कार्यक्रममा भरतपुर महानगरपालिका उपप्रमुख पार्वती शाह ठकुरी, वडा नं. १६ का वडाअध्यक्ष अमृत हमाल सहकारीका विजयनगर सेवा केन्द्रका व्यवस्थापक समिति संयोजक ध्रुव कुमार ओझा र विजयनगर सेवा केन्द्रका प्रवन्धक श्रीकृष्ण श्रेष्ठ लगाएतको उपस्थिति थियो ।