बिनिता कंडेल
पौष ०१, चितवन । भरतपुरमहानगरपालिकाले फुटपाथका ब्यपारिहरुलाई फुटपाथमा व्यापार व्यावसायि गरेको भन्दै विभिन्न बाहानामा दुख दिने गरेको फुटपाथ व्यावसायिहरुले गुनासो गरेका छन । ठुलाठुला पसल गरेर बस्ने र सानातिना फुटपाथका ब्यपारिहरुलाई महानगरले गरिने ब्यबहर नै छुट्टै गर्ने गरेको देखिन्छ ।
स्मार्ट सिटिको योजना अघि सारेको भरतपुर महानगरले फुटपाथ व्यावसायिको समस्यालाई भने सम्बोधन गर्न सकेको छैन । बजार व्यवस्थापन गर्ने बहानामा जथाभावी बल प्रयोग गरेर आफुहरुलाई दुख दिने काम गरेको फुटपाथ व्यावासायिको आरोप छ । महानगरले फुटपाथको अन्य बिकल्प नखोज्दिदा आफुहरु बाध्यभएर फुटपाथमै व्यापार व्यावसायि गर्न बाध्य भएको उनिहरुको गुनासो छ ।
बजार व्यवस्थापनको नाममा फुटपाथमा व्यापार गर्न त रोक लगायो तर हाम्रो गरिखाने काम खोसिएको भन्दै उचित व्यवस्थापन गरिदिन को लागि फुटपाथ व्यावसायिहरुले माग गर्दै आइरहेको छ ।
नगरप्रहरिहरुले अनावश्यक रुपमा आफुहरुलाई दुख दिने गरेको उनिहरुको आरोप छ ।” डरै डरमा व्यापार गर्न बाध्य छौ कतिबेला कतावाट नगर प्रहरी आउला भन्ने डरैडरमा दिन बिताउन पर्छ, भरतपुरको सहिदचोकमा फुटपाथमा कपडा बेच्दै आएका श्रीहरी यादबले गुनासो गरे,, त्यस्तै यादबले अघि भने ” आफ्नो परिवारका लागि जिविका चलाउन एउटा सानो कपडा ब्यपार गरेको छु”। त्यहि पनि लैदिए भने के गर्ने , कसरी परिवार पाल्ने भन्दै चिन्ता व्यक्त गरे ।
बिहानदेखि साझसम्म नै डरैडरमा आफुहरुले कपडा बेच्न परेको सुनाए , महानगरले उचित व्यवस्थापन नगर्दिदा आफुहरु झन धेरै समस्यामा परेको बताए । महानगरले उचित व्यवस्थापन गरिदिए आफुहरुको यसरी फुटपाथमा व्यावसायि गर्ने कुनै रहर नभएको पनि बताए ।
यादबले आफुहरुलाई नगर प्रहरिहरुले निकै दुख दिने गरेको गुनासो गरे । स्थायी घर बिरगंज भएपनी यादव हाल बेलचोकमा बस्छन र सहिद्चोकको फुटपाथमा कपडा व्यावसायि गर्छन ।
व्यापार व्यावसायि गर्ने एउटा निश्चित समयसिमा तोकिदिए पनि आफुहरुलाई निकै ठूलो राहात महसुस हुने बताए । नगरप्रहरिहरुले एक्कासी आएर सामान उठाएर लाने र विभिन्न दुख दिने गरेको गुनासो फुटपाथ व्यावसायिहरुको रहेको छ । नगरप्रहरिहरुले सामान जफत गर्ने र जथाभावी फाल्दिने गरेको पनि उनिहरुको आरोप छ । साझबिहानको दुईछाक खानकैलागि दुख गर्ने गरे पनि नगरप्रहरिहरुले आफुहरुको दुख र समस्या नबुझ्ने गरेको उनिहरुको गुनासो छ । आफुहरुको फुटपाथमा व्यापार गर्नु कुनै रहर नभई बाध्यता भएको पनि उनिहरुको भनाई छ । दुईछाक खानकै लागि बिहान देखि दुख गर्छौ तर महानगरले हामिलाई यो देशको नागरिक नै हैन जस्तो व्यावाहार देखाउछन ,लायन्स चोकमा डोकोमा फलफुल बेच्ने पदमपुरकी माया नेपालीले गुनासो गरिन।
“घरमा सानासाना दुधे बच्चाहरु छन् घर खर्च सबै यसैबाट चल्दै अाएको छ , नगर प्रहरीले गर्दा निकै गार्हो भएको छ । दिनमा दुई / तीन पटक भन्दा धेरै अाउछन् । नगर प्रहरी आएको देख्ने बित्तिकै सामान गुटमुटाएर हामी कुना तिर पस्न पर्छ ,भेट्यो भने सामान फाल्दिने कि लाने गर्दछन “निराश अनुहार लगाउदै नेपालिले पीडा सुनाईन ।
बिहान मन्डिबाट बाकि सामान ल्याउने ,दिनभरि व्यापार गरेर तिर्नुपर्ने र अलिअलि अाएको फाइदाले नै अाज सम्म घर खर्च चलेको बताईन् ।
यता ,नगर प्रहरीले भने महानगरले नै फुटपाथमा ब्यपार गर्न रोक लगाएको कारण आफुहरुले त्यस्तो गर्ने गरेको बताएका छन । महानगरको निर्देशनलाई पालना गरेको मात्र उनिहरुले बताएका छन साथै उनिहरुले आफुहरुले फुटपाथ व्यावसायिले भनेजस्तो अमानवीय व्यावहार नगरेको पनि बताएको छ । महानगरले निश्चित क्षेत्रको ठाँउ तोकेपनि ब्यपारिहरुले पायक नपर्ने ठाउँ भन्दै फुटपाथमै ब्यपार गर्ने गरेको बताए।
यसरि महानगरले यो समस्यालाई समयमै व्यवस्थापन गर्नपर्ने देखिन्छ ! स्मार्ट सिटिको योजनालाई नत्र यस्ता समस्याले गिज्जाईरहेको देखिन्छ ।
