मङ्सिर ०८, काठमाडौं । नेकपा एमालेका अध्यक्ष केपी शर्मा ओलीले एमाले एउटा पार्टीमात्र नभएर देश र जनताको प्रतिनिधित्व गर्ने मुख्य शक्ति भएको बताएका छन् । उनले नेपाली काँग्रेसको पुच्छर समातेर हिँडेकाहरूले फुर्ती लगाइरहेको भन्दै उनीहरूले फुर्ती लगाउनुको अर्थ नरहेको पनि बताए ।बुधबार युवा संघ नेपालको पहलमा गठित ‘साइबर सर्कल’ घोषणा कार्यक्रमलाई सम्बोधन गर्दै ओलीले काँग्रेसको पुच्छर समातेर हिँडेकाहरूलाई कुन बेला काँग्रेसले पुच्छर हल्लाएर कहाँ पु¥याउने हो भन्ने ठेगान नभएको भन्दै सचेत तुल्याए ।
सात वर्षअघि अध्यक्षको चुनावमा आफूसँगै पराजित भएका मान्छेले केही दिनअघि हिन्दी फिल्मको भिलेको डाइलग भनेको उल्लेख गर्दै ओलीले भने, ‘त्यसो भए त सात वर्ष अघि नै चुरचुर भइसक्नुपर्ने त ।’ पाँच दलीय गठबन्धन सरकारमा आएपछि देशमा आन्दोलन नभएर सर्वोच्च अदालतको आँगनमा आन्दोलन हुन थालेको ओलीले बताए । उनले भने, ‘पाँच दलीय गठबन्धनको सरकार भएपछि यस्तो नभएर के हुन्छ ?’
ओलीले प्रविधिको महत्त्वलाई ध्यानमा राखेर यसको दुरुपयोग हुन जोगाउने र राष्ट्र निर्माणका सही पक्षलाई उजागर गर्न साइबर सर्कललाई सुझाव दिए । उनले राष्ट्रिय हितको पक्षमा उभिने भावना जगाउने काम साइबर सर्कलले गर्ने अपेक्षासमेत गरे । कार्यक्रममा मदन भण्डारीको संयोजकत्वमा साइबर सर्कलको ३०१ सदस्यीय केन्द्रीय टिम बनाइएको जानकारीसमेत दिइएको छ ।
Advertisement
Advertisement
