भदौ ३,काठमाडौं । नेकपा एमालेले माधव नेपालसहित १४ जना प्रतिनिधिसभा सदस्यमाथि गरेको कारवाही तत्काल अगाडि बढाउन सभामुखलाई दबाब दिने भएको छ।मंगलवार कारबाही सिफारिस गरे पनि सभामुखले प्रक्रियामा अघि नबढाएको भन्दै एमालेका प्रमुख सचेतक बिशाल भट्टराई नेतृत्वको टोलीले बुधबार सभामुख अग्नि सापकोटालाई भेटेर दबाब दिने भएको हो।
Advertisement
सभामुख र एमालेका नेताहरूबीच आज बिहान ११ बजे यस बारेमा छलफल हुने भएको छ। एमालेले पार्टीको ह्वीप उल्लंघन गरेको र विभाजनकारी गतिविधिमा लागेको भन्दै माधव नेपालसहित १४ जना सांसदलाई कारवाही गरेको थियो ।
राजनीतिक दलसम्बन्धी ऐन अनुसार सभामुखले सो सूचना १५ दिनभन्दा बढी रोक्न सक्दैनन्।यसघअघि कारवाहीमा परेका १४ जना सांसदले पनि बुधवार संसद सचिवालयमा विरोधको सूचना लगेर आफूहरुमाथिको कारवाही असंवैधानिक र गैरकानूनी भएकाले रोक्न माग गरेका थिए।
अवैधानिक रूपमा कारबाही गरिएको भनि पठाएको पत्रमा कुनै कारबाही नगर्ने व्यवस्था मिलाई पाँउ भन्दै नेकपा एमालेका १४ जना प्रतिनिधिसभा सदस्यले लिखित निवेदन दिएका हुन्।
आफूहरूमाथिको निष्कासन र सांसदबाट पदमुक्त गर्ने पार्टीको निर्णय कार्यान्वयन नगर्न माग गर्दै माधव नेपाल संसद सचिवालयलाई पत्र पठाएका हुन्।
अर्याल होटलमा बसेको अनौपचारिक बैठकपछि नेपालसहित १४ जना आफूहरूमाथिको कारवाही गैरकानूनी र पार्टीको विधानविपरीत रहेको लिखित दावी गरेका हुन्।
भदौ १ गते नेकपा एमाले संघीय संसदिय दलको कार्यालयले संघीय संसद सचिवायललाई लेखेको पत्र अवैधानिक र दुराशयपुर्ण रहेकाले सो पत्रको आधारमा कुनै कारवाही अगाडि नबढाउन, सूचना प्रकाशित नगर्न र निर्वाचन आयोगमा जानकारी नगराउन उनीहरूले अनुरोध गरेका थिए।
यी हुन् कारवाहीमा पर्ने सांसदहरू
१। माधव नेपाल
२। जीवनराम श्रेष्ठ
३। मुकुन्द न्यौपाने
४। विरोध खतिवडा
५। कृष्णलाल महर्जन
६। भवानी खापुङ
७। मेटमणी चौधरी
८। रामकुमारी झाँक्री
९। कल्याणी खड्का
१०। लक्ष्मीकुमारी चौधरी
११। निरादेवी जैरु
१२। पुष्पाकुमारी कर्ण
१३। सरला यादव
१४। कलिला खातुन
