चितवन : चितवनमा पछिल्लो २४ घण्टामा थप २०९ जनामा कोरोना भाइरसको संक्रमण पुष्टि भएको छ ।
Advertisement
भरतपुर अस्पतालमा ९० जना, चितवन मेडिकल कलेजमा ५८ जना, पुरानो मेडिकल कलेजमा १८ जना, बिपी कोईराला मेमोरियल क्यान्सर अस्पतालमा ८ जना ,अन्य अस्पतालमा २७ जना, भरतपुर महानगरपालिकामा ४ जना, माडी नगरपालिकामा १ जना र कालिका नगरपालिकामा ३ जना गरी जिल्लामा थप २०९ जनामा संक्रमण पुष्टि भएको स्वास्थ्य कार्यालय चितवनले जनाएको छ ।
Advertisement
यस्तै चितवनमा पछिल्लो २४ घण्टामा कोरोना संक्रमणबाट थप ६ जनाको मृत्यु भएको छ । मृत्यु हुनेमा चितवनका ४ जना र मकवानपुर २ जना रहेको कार्यालयले जनाएको छ ।
चितवनमा आईसीयूमा ८२ जना, भेन्टिलेटरमा २६ जना, एचडीयूमा ४१ जना र जेनरल बेडमा ८६ जना रहेका छन् । त्यस्तै पछिल्लो २४ घण्टामा ४१ जना कोरोना भाइरसबाट संक्रमणमुक्त भएका छन् ।
