असार-२२।
चितवन । सनाखत नभएका शवको उचित व्यवस्थापन गर्न नसक्दा भरतपुर अस्पताल परिसरमा दुर्गन्ध फैलिएको छ । जिल्लाको एकमात्र शव गृहमा हरेक दिन फरक फरक प्रकृतीका शबहरु परिक्षणका लागी ल्याईने गरिन्छ । दैनिक ४-५ वटा परिक्षणका लागि ल्याइने शबहरुको ब्यबस्थापन राम्रो तरिकाले र उपर्युक्त उपकरण नहुदा शबगृह र्दुगन्धित बनेको छ ।
भरतपुर सरकारी अस्पतालका सुरक्षा इन्चार्ज प्रहरी हवल्दार विश्वनाथ यादवले शवलाई चिसो बनाएर राख्ने फ्रिजरको अभावका कारण आफुहरुलाई दैनिक काम गर्न कठिनाइ भएको बताए । कम्तिमा पनि हरेक दिन ४-५ वटा शव राख्नुपर्ने भएपछि ती शवको व्यवस्थापन गर्न गाह्रो भएको उनले बताए ।उनले शबगृहमा भएका २० वटा फ्रिजरहरूमा ९ वटा फ्रिजरहरू विग्रीएर काम नलाग्ने अवस्थामा रहेको बताए । उनले सम्बन्धित निकायलाइ पटक पटक जानकारी गराउदा समेत मर्मत सम्भारको लागि केही पहल नभएको बताए । उनले केहि शबहरु अलपत्र अबस्थामा ३-४ महिना सम्म रहेको र आबश्यक उपकरण नहुदा लास कुहिएर दुर्गन्ध फैलिएको बताए । उनले शव राख्ने ठाउँ र साधन नभएकोले कुनै दिन भुइमा राख्न समेत बाध्य भएको बताए । उनले कुहिएको लासले गर्दा शबगृहमा खटिने डाक्टर र सुरक्षाकर्मीको स्वास्थमानै समस्या आउन सक्ने बताए ।
त्यस्तै भरतपुर अस्पतालका मेडिकल सुपरिडेन्टेन डा कृष्ण प्रसाद पौडेलले २० वटा फ्रिजरहरू मध्य केही मात्रै नचलेको अवस्थामा रहेको बताए । उनले हिजो मात्रै पुरानो बेवारिसे अवस्था रहेको शवहरु महानगरले व्यवस्थापन गरिसकेको र बाकि ३ वटा शवहरु रहेको बताए ।उनले बेवारिसे शबहरुलाई महानगरले ब्यबस्थापन गर्नुपर्ने र महानगरले शब नउठाउदा शबहरु राख्नुपर्ने बाध्यता रहेको बताए । डा पौडेलले बेवारिसे अबस्थामा भेटिएका शबहरु कानुनत २ महिना अबधिमा मात्रै स्थानिय तहले ब्यबस्थापन गर्नुपर्ने ब्यबस्था रहेकाले बेवारिसे शब भतरपुर महानगरले ब्यबस्थापन गर्दै आएको छ बताए । मेडिकल सिटिको रुपले चिनिएको चितवन जिल्लामा रहेको एकमात्र शबगृहमा चितवनको मात्र नभएर अन्य जिल्ला अस्पतालहरुले पनि शब पठाउदा ब्यबस्थापन गर्न कठिन भएको डा पौडेलको भनाई छ । मेडिकल सिटिको रुपमा परिचित भरतपुरमा जम्मा एउटा मात्र शबगृह हुनु आफैमा अचम्मको बिषय रहेको डा पौडेलले बताउछन् । उनले भरतपुर अस्पतालले पटक पटक नजिक रहेका नबलपुर , मकवानपुर , धादिङ्ग, गोरखा लगाएतका जिल्लाहरुलाई पत्राचार गरेर नै शब नपठाउन आग्रह गरेको र सम्बन्धीत जिल्ला अस्पतालमा नै शब परिक्षण गर्ने ब्यबस्था मिलाउन भने पनि शबहरु आउनेक्रम नरोकिएको बताए ।
