असार १
भरतपुर, चितवन ।
अर्किड स्कुलमा ‘द फाइभ ए एम क्लब’ को भर्चुअल मिटिङ्ग मार्फत् उद्घाटन भएको छ। योग गुरु अर्थात् ‘जिउने कला’ का उत्प्रेरक गुरु पवन नेपालको प्रमुख आतिथ्यतामा सम्पन्न उक्त कार्यक्रममा कक्षा ८-१० का २०० विधार्थीहरूको सहभागिता रहेको थियो। जीवनलाई सानै उमेरबाट थप व्यवस्थित बनाउन र विधार्थीमा योग, ध्यान, आचरण, संस्कृति, अनुशासन, आहार-विहार, सम्बन्धी प्रशिक्षण गर्ने अभिप्रायले उक्त क्लबको गठन भएको प्राचार्य डा खेम आचार्यले बताउनु भयो। अषाढ १ गतेदेखि कक्षा ८-१० का विधार्थीहरूलाई हरेक दिन बिहान ६:०० बजेदेखि एक घण्टा उक्त प्रशिक्षण रहने र पहिलो चरण २१ दिनसम्म सञ्चालन हुने डा. आचार्य बताउनु हुन्छ।
प्रशिक्षकद्वय डा. खेम आचार्य र हरिराम रेग्मीले उक्त प्रशिक्षण कार्यक्रम सञ्चालन गर्नु हुनेछ।
विधालयका शिक्षक-अभिभाक संघका अध्यक्ष कृष्णहरि पण्डितले शुभकामना मन्तव्य राख्नु भएको थियो भने सञ्चालक समितिका अध्यक्ष गोपाल पराजुलीले कार्यक्रमको अध्यक्षता गर्नु भएको थियो। कार्यक्रम सञ्चालन सहकर्मी मनोज पन्तले गर्नु भएको थियो।
