चितवन, फागुन २४।
गैंडाकोट इंग्लिस स्कूलमा फाल्गुन २२ र २३ गते नमुना संयुक्त राष्ट्रसंघ (मोडल युनाइटेड नेसन्स, एम.यु.न) कार्यक्रम सम्पन्न भएको छ । यो कार्यक्रम विद्यालयले प्रत्येक वर्ष सञ्चालन गर्ने निती लिए बमोजिम यस वर्ष कार्यक्रमको दोश्रो संस्करण सञ्चालन गरिएको हो । २०७६ सालमा भएको कार्यक्रमको पहिलो संस्करण चितवन तथा नवलपुरका बिभिन्न विद्यालयका विद्यार्थीहरुको सहभागितामा सम्पन्न भएकोमा कोभिड १९ को कारण यो संस्करणमा अन्य विद्यालयका विद्यार्थीहरु सहभागी थिएनन।
उक्त कार्यक्रममा गैंडाकोट इंग्लिस स्कूलमा अध्ययनरत कक्षा ७ देखि १० सम्मका जम्मा ४२ जना विद्यार्थीहरुको सहभागीता रहेको थियो । कार्यक्रम युथ थिन्कर्स सोसाइटि (वाइ. टि. एस. ) चितवनले सञ्चालन गरेको हो । कार्यक्रममा सहभागीहरुलाई बिभिन्न देशहरुको प्रतिनिधि बनाइ दिईएको एजेन्डाहरुमाथि छलफल चलाइएको र एजेन्डामा उठेका समस्याहरुको चित्त बुझ्दो समाधान खोज्न लगाइएको कुरा इन्डोनेसियाकि प्रतिनिधिको रुपमा कार्यक्रममा सहभागी कक्षा नौ कि विद्यार्थी सुयुक्ति कंडेलले बताइन । कार्यक्रम विद्यालयकि एकेडेमिक सुपरभाइजर बिना कोइरालाको संयोजनमा सम्पन्न भएको थियो।
कार्यक्रममको अन्त्यमा उत्कृस्ट प्रतिनिधिहरुलाई विभिन्न शिर्षकमा सम्मानित गरिएको थियो। कार्यक्रमको समापन समारोहमा आफ्नो धारणा राख्दै विद्यालयका प्राचार्य हिरालाल अर्यालले नमुना संयुक्त राष्ट्रसंघको माध्यम द्वारा विद्यार्थीहरुमा तर्क गर्ने क्षमता, कुटनिती तथा अनुसन्धानात्मक अध्ययन गर्ने सक्षमताको विकाश गर्न सकिने कुरा बताउनुभयो ।
