पौष, २४, चितवन
एम्नेष्टी ईन्टरनेशनल नारायणि समुह ३३ चितवनले आज हस्ताक्षर संकलन गरेको छ । एम्नेष्टी ईन्टरनेशनलले बिश्वमा भएका मानव अधिकार उललङ्घनका १० प्रमुख घटनालाई समेटेर प्रतिबेदन सार्वजनिक गरेपछि नेपालमा पनि यस्ता घटनाहरुलाई निरुत्साहित गर्ने उदेश्यले “राईट्स फर राईट्स २०२०”अन्तर्गत रहेर कार्यक्रम गरीएको आयोजकले जनाएको छ ।
बिगतमा नेपालमा प्र्रमाणित भएका जघन्य अपराधमा समेत सरकारले चासो नदिएका कारण दवाव स्वरुप आज हस्ताक्ष्र संकलन गरीएको एम्नेष्टी ईन्टरनेशनल नारायणि समुह ३३ का संयोजक कालिका प्रसाद पंडितले जानकारी दिनुभयो । आज संकलित हस्ताक्षर प्रधानमन्त्री कार्यलयमा बुझाउने र सरकारलाई यस्ता मानव अधिकार उल्लङ्घनका घटनाप्रति ध्यानाकर्षण गराउने पंडितको भनाई छ ।
एम्नेष्टी ईन्टरनेशनल नारायणि समुह ३३ का संयोजक कालिका प्रशाद पंडितको संयोजकत्वमा आयोजित कार्यक्रममा भरतपुर महानगरपालिकाका उपप्रमुख पार्वति शाह ठकुरीको प्रमुख आतिथ्यता तथा भरतपुर महानगरपालिका ३ का वडाध्यक्ष चन्द्रमित्र पंडितको बिषेश उपस्थीति रहेको थियो भने कार्यक्रमको सहजिकरण एम्नेष्टी ईन्टरनेशनल नारायणि समुह ३३ का सदस्य सविना घिमिरेले गर्नुभएको थियो ।
