कार्तिक १२, चितवन । आफुसङ्ग बदला लिनकै लागि भनेर एमालेले चितवनमा महाधिवेशन गर्न लागेको नेकपा माओबादी केन्द्रका अध्यक्ष पुष्प कमल दाहाल प्रचण्डले आरोप लगाउनुभएको छ। बुटवल तय भएको महाधिवेशन एक्कासी चितवनमा गर्न लाग्नु बद्ला लिन खोज्नु भएको बताउनुभएको हो साथै उहाले आफू नडराउने समेत बताउनुभयो। प्रचण्डले देउवालाई प्रधानमन्त्री बनाउदा काँग्रेसले धन्यवाद भन्नुको सट्टा उल्टै लखेट्ने कुरा गर्नु बिडम्बना भएको बताएका छन् ।शुक्रबार चितवनमा आयोजित कार्यक्रममा प्रचण्डले एमाले अध्यक्ष केपी शर्मा ओलीलाई प्रचण्ड भाग्छ भनेर आत्मरतिमा नरमाउन सुझाब दिएका छन।
‘मलाई काठमाडौंमा भनिएको छ, एमालेको महाधिवेशन चितवनमा हुने भएपछि अब प्रचण्ड भाग्छ भन्ने भित्रभित्रै प्रचार गरे,’ उनले भने, म कतै जान्न अब । म चितवन छोड्दिन । पहिलो कुरा कुनै भ्रम नरहोस् र त्यो आत्मघाती या आत्मरति पनि केपी ओलीहरूले नगरे हुन्छ
प्रचण्डले चुनावी परिणामले कांग्रेस र माओवादी हाराहारी भए पनि शेरबहादुर देउवालाई प्रधानमन्त्री बनाइएको र त्यसमा कांग्रेसका कार्यकर्ता खुसी होलान् भन्ने आफूले ठानेको भए पनि त्यसविपरीत पाएको बताउनुभयो । चितवनबाट आफू र रेणुलाई लखेट्ने भाषण कांग्रेस चितवनका सभापतिले गर्नु विडम्बना भएको उहाको भनाइ छ। प्रचण्डले आफूहरू सबै एक भए कसैले पनि हराउन नसक्ने दाबी गरे ।
त्यस्तै भरतपुर महानगरपालिका कि मेयर रेणु दाहालले आफुहरुले राम्रो काम गरेकाले आफुहरुलाई चितवन बाटै लखेट्न खोजेको आरोप लगाउनुभयो। “बिसौ वर्षमा नहुने काम हामि ४ वर्षमै गरेर देखायौ , त्यही भएर जलन भएर आफुहरुलाई यहाबाटै लखेट्न खोजिएको हो” दाहालले भन्नू भयो , आफुहरुले यहाका जनताहरुको मन जित्ने काम गरेको कारणले विपक्ष दललाई सहि नसक्नुभएर महाधिवेशन यहि ठाउमा गर्न लागेको समेत आरोप लाउनु भयो ! देशभरी अन्य पायक पर्ने धेरै ठाँउहरु हुदाहुदै पनि आफुहरुलाई नै लक्षित गर्दै चितवनमा नै महाधिवेशन गर्न खोजेको उहाको भनाई छ । राम्रो काम गर्न खोज्नेहरुको खुट्टा तान्ने परिपाटी पुरानै भएको समेत दाहाल भन्नुभयो । साथै सम्पुर्ण कार्यकर्ताहरुलाई एकजुट हुन समेत दाहालले आग्रह गर्नुभयो!
