भरतपुर – चितवनको बजारमा यामाहा एक्सएसआर १५५ को नयाँ ‘ब्लु’ कलर भेरियन्ट सार्वजनिक गरिएको छ। चितवन आसपासका यामाहा मोटरसाइकलप्रेमीलाई लक्षित गर्दै यामाहाको आधिकारिक वितरक कर्माचार्य इन्टरप्राइजेज र नविन अटो सेन्टरले संयुक्त रूपमा नयाँ भेरियन्ट सार्वजनिक गरेका हुन्।
चितवन उद्योग वाणिज्य संघका अध्यक्ष चिरञ्जीवी सुवेदी, वरिष्ठ उपाध्यक्ष राजेन्द्र ओली र कर्माचार्य इन्टरप्राइजेजका प्रबन्ध निर्देशक कपिल सागर कर्माचार्यले संयुक्त रूपमा मोटरसाइकल सार्वजनिक गरे।
नेपालमा यामाहा दुईपाङ्ग्रे सवारीसाधनको आधिकारिक वितरक एमएडब्लु राइड्स प्रालि हो। चितवनसहित मध्य नेपालका यामाहा पारखीलाई लक्षित गरी सार्वजनिक गरिएको एक्सएसआर १५५ ‘ब्लु’ भेरियन्टको सुरुवाती मूल्य ५ लाख ३४ हजार ९ सय रुपैयाँ तोकिएको प्रबन्ध निर्देशक कर्माचार्यले जानकारी दिए।
‘बिल्ट अन लिगेसी, ड्रिभन बाई पर्फर्मेन्स’ दर्शनमा आधारित यो मोटरसाइकलले आकर्षक नियो–रेट्रो डिजाइन र आधुनिक प्रदर्शनलाई संयोजन गरेको कर्माचार्यले बताए। उनका अनुसार मोटरसाइकलमा आकर्षक लुक्ससँगै आरामदायी र प्रभावकारी राइडिङ अनुभव प्रदान गर्ने विशेषता समेटिएको छ।
चितवन आसपासमा नविन अटो सेन्टर र कर्माचार्य इन्टरप्राइजेजले लामो समयदेखि यामाहा ब्राण्डलाई स्थापित गर्दै बिक्री, सर्भिस र स्पेयर पार्ट्स सेवा एकै स्थानबाट उपलब्ध गराउँदै आएका छन्। नयाँ मोडल सार्वजनिक हुनेबित्तिकै चितवनमा समेत उपलब्ध गराइनु ग्राहकका लागि खुसीको विषय भएको अध्यक्ष सुवेदीले बताए।
वरिष्ठ उपाध्यक्ष ओलीले मध्य नेपालमा यामाहालाई स्थापित ब्राण्डका रूपमा चिनाउन नविन अटो सेन्टर र कर्माचार्य इन्टरप्राइजेजले महत्वपूर्ण भूमिका खेलेको भन्दै बधाई दिए। उनले ग्राहकलाई अझ सहज र गुणस्तरीय सेवा प्रदान गर्न सुझावसमेत दिए।
कार्यक्रममा कर्माचार्य इन्टरप्राइजेजकी सञ्चालक सुनिता लिगल कर्माचार्य, युवा समाजसेवी राकेशमान श्रेष्ठलगायतको विशेष सहभागिता रहेको थियो।
