आइडिया स्टुडियो नेपाल र इशिजाका इंक, जापानले नेपालमा जिरो वेस्ट् डिजाइनको सहकार्यका लागि २०२४ को अप्रिलमा सम्झौता–ज्ञापन पत्रमा हस्ताकक्षण गरेको छ । सम्झौता पत्रमा आइडिया स्टुडियो नेपालका कार्यकारी अध्यक्ष तथा सह–संस्थापक डा. छिरिङ लामा र इशिजाका इंकका अध्यक्ष नोरिको इशिजाका हस्ताक्षर गरेका छन् ।
सो सम्झौता पत्र इशिजाका इंकका कार्यकारी अधिकृत साथै महाप्रबन्धक युमिको इन्डोले नेपाल आउनु भई आइडिया स्टुडियो नेपालका कार्यकारी अध्यक्ष तथा सह–संस्थापक डा. छिरिङ लामा बिच आदानप्रदानर साटासाट भएको छ्र ।
उक्त सहकार्यले नेपालमा जिरो वेस्ट् डिजाइनमा फोहोर मैला व्यवस्थापनका लागि ज्ञान र सिपको प्रवर्धन गर्नेका साथै इशिजाका इंक, जापानको जस्तै इशिजाका मोडलको मिनि रिसाइक्लिङ् प्लान्टको स्थापना गर्ने योजना छ ।
यो प्लान्ट जापानभन्दा बाहिर अन्य देशमा इशिजाका इंकको पहिलो बिस्तार तथा साझेदारी रहने जनाएको छ । हाल नेपालमा फोहोर व्यवस्थापन प्रणालीहरू, फोहोर व्यवस्थापन अनुसन्धान साथै जनशक्तिको विकास कसरी भइरहेको छ भन्नेबारे अध्यान र अनुसन्धान भइरहेको छ ।
यसको साथै फोहोरमैला व्यवस्थापनसँगै जोडिएका विभिन्न व्यपार समभावनाहरुको अध्यानहरू भइरहेको छ । यो जिरो वेस्ट् डिजाइन मोडलले सरकारी निजी तथा विश्वविद्यालयको साझेदारीमा सार्वजनिक निजी साझेदारी (पीपीपी) मोडललाई प्रवर्धन गर्ने अपेक्षा गरिएको छ्र ।
यस कार्यलाई थप दिगो पन दिनका लागि दुई देशका बिच विशेषज्ञ आदानप्रदान कार्यक्रमबाट सुरु गर्दै, दुवै पक्षले जापान र नेपाल दुवैका समस्याहरू समाधान गर्न एकअर्कासँग सहकार्य गर्नेछन् ।
तसर्थ अर्को वर्षको मे महिनामा, त्रिभुवन विश्वविद्यालय र अन्य विश्वविद्यालयहरूमा मेकानिकल इन्जिनियरिङ र सिभिल इन्जिनियरिङ अध्ययन गरिरहेका ६ जना उच्च दक्ष इन्जिनियरहरू इशिजाका इंकमा जोडिदै छन् ।
उक्त ६ जनाले इशिजाका इंक, जापानमा रिसाइक्लिंग प्लान्टमा काम गर्नका साथै ज्ञान र सीपहरु प्राप्त गर्ने छन् र नेपाल फर्के पछि इशिजाका मोडलको मिनि रिसाइक्लिङ् प्लान्टमा काम गर्ने अपेक्षा गरिएको छ ।
